Хаартыска -- Ольга Протопопова тиксэриитэ
Бу күннэргэ Дьокуускай куоракка Саха сиригэр Оҕо саас, Арассыыйаҕа Дьиэ кэргэн сылын чэрчитинэн бастакы космонавт Юрий Гагарин 90 сылыгар аналлаах С.П. Королев аатынан III эрэгийиэннэр икки ардыларынааҕы ааҕыылар буолан аастылар.
Онно Уус Алдан улууһун эбии үөрэхтээһин иһинэн Дүпсүн орто оскуолатын Космонавтикаҕа уонна авиацияҕа мусуойун филиалын оҕолоро кэлэн кыттыбыттарын туһунан түмэл салайааччыта Ольга Протопопова маннык кэпсээтэ:
— 5 экскурсовод оҕобут түмүктүүр түһүмэххэ ыҥырыллан кыттыыны ыллылар. Барыта 700 үлэттэн 380 үлэ талыллан, 7 былаһаакканан оҕолор бэйэлэрин бырайыактарын көмүскээтилэр. Эспиэрдэр ортолоругар Москва куораттан РИСКСАТ хампаанньа генеральнай дириэктэрэ, тиэхиньиичэскэй билим хандьыдаата, Москватааҕы авиационнай үнүстүүт доцена Алексей Кучейко, “Арктика уонна космос” бырайыактыыр сиэссийэ научнай салайааччыта, РФ космонавтикаҕа Федерациятын чилиэнэ Ольга Мороз үлэлээтилэр.
Умнуллубат түгэнинэн Арассыыйа Дьоруойа, космонавт-лүөччүк Андрей Борисенконы кытта көрсүһүү буолла. Космонавт оҕолорго бэйэтин олоҕун, үлэтин кэпсээтэ, ыйытыыларга хоруйдаата. Оҕолор араас сиэксийэлэринэн бэйэлэрэ бэлэмнээбит тиэмэлэринэн кытыннылар уонна араас номинацияларга тигистилэр. «Мэдиссиинэ уонна биология» сиэксийэҕэ Валерия (9 кылаас) уонна Виктория (10 кылаас) Сивцевалар «Сублимированная еда для космонавтов» бырайыактарынан 1 миэстэни ылан, үлэлэрэ бастыҥ бырайыагынан бэлиэтэннэ. (сал. Протопопова О.Ф., Алексеева М.И.) Үс сыллаах үлэлэрин түмүгүнэн бэйэбит сирбитигэр үүнэр отоннортон оҥорон таһаарбыт «Сайын амтана («Вкус лета»)» бэлэхтэрин космонавт Андрей Борисенкоҕа бэлэх ууннулар. Дьэ, ити курдук, оскуолабыт иһинэн үлэлиир Космонавтика түмэлэ 50 сыллаах үбүлүөйүн көрсө оҕолорбут ситиһиилэрэ сүҥкэн.
Халлааммыт сылыйан, күммүт уһаан, дьон-сэргэ аны хайдах сайын кэлэрин билиэн баҕарар. Үгэс быһыытынан, норуот синоптига…
Нэдиэлэ бастакы күнүгэр Саха сиригэр синоптиктар тугу билгэлииллэр? Саха сиригэр киин оройуоннарга, хотугулуу-арҕаа, соҕуруулуу-илин, Өлүөнэ…
Улууска өрөмүөн үлэлэрэ номнуо саҕаланнылар. Улууска ууттан эмсэҕэлээбит суоллар сорох учаастактарыгар үлэ саҕаланна. "Дьокуускайтан эбии…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …