Хаартыска: Доруобуйа харыстабылын министиэристибэтэ
Уус Алдан улууһун Оройуоннааҕы киин балыыһатын кылаабынай бырааһа Анна Саввична Петрова Владимир Путин бэҕэһээҥҥи быһа биэриитин истэн баран санаатын үллэһиннэ.
-Биһиги бүтүн кэлэктиибинэн дойду бэрэсидьиэнэ Владимир Путин быһа биэриитин иһиттибит. Биһиги, Уус Алдан улууһун мэдиссиинэтин үлэһиттэрэ, кини аныгыскы болдьоххо турарын өйүүбүт.
Биллэн турар, доруобуйа харыстабылын эбийиэктэрин материальнай-тиэхиньиичэскэй өттүнэн саҥардыы модернизацияланыахтаах уонна саҥардыллыахтаах. Биһиги өрөспүүбүлүкэбитигэр каадырдарынан хааччыйыыга улахан болҕомто ууруллара «Тыа сирин дуоктара», «Тыа сирин биэлсэрэ» бырагыраамалары олоххо киллэриигэ көстөр. Бу олус элбэҕи этэр. Ити бырагыраамалар кыттыылаахтарыгар төлөбүрү 2 мөлүйүөҥҥэ диэри улаатыннарыы – мэдиссиинэ үлэһиттэригэр улахан көмө. Бу бырайыак Арассыыйа атын эрэгийиэннэригэр киириэхтээҕэ олус үөрдэр.
Доруобуйа харыстабылын үлэһиттэрэ биһиги бэрэсидьиэммит бырайыактарын олоххо киириилэрин дьиҥ дьыалаҕа көрөбүт. «Доруобуйа харыстабыла» национальнай бырайыак көмөтүнэн мэдиссиинэ көмөтө сайдар уонна табыгастаах буолан иһэр. Биһиэхэ наадалаах мэдиссиинискэй тэриллэринэн толору сэбилэммит Камаз массыынаны уонна мэдиссиинэ суһал көмөтүн тырааныспарын биэрбиттэрэ. Камаһынан ыраах сытар уонна куһаҕан суоллаах сэлиэнньэлэргэ тиийэбит. Ыраах сытар сэлиэнньэлэр олохтоохторугар мэдиссиинэ көмөтүн оҥоруу, көһө сылдьар биригээдэлэр түмсүүлээхтэрэ, быраас амбулаторияларын уонна биэлсэр-акушер пууннарын тутуу уонна сэбилээһин – бу барыта «Доруобуйа харыстабыла» национальнай бырайыак көмөтүнэн.
Биһиги эрэгийиэн уонна дойду өттүнэн өйөбүлү бэйэбитинэн билэбит. Биһиги Владимир Владимирович Путиҥҥа итэҕэйэбит.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…