Уус Алдан олохтоохторо байыастарга көмөлөһөллөр

Уус Алдан улууһугар психологтар уонна «Арассыыйа ийэлэрэ» хамсааһын улуустааҕы салааларын тэрийиилэринэн, байыастарга көмөлөһөр соруктаах үлэлэр тиһиктээхтик салҕаналлар.

Ол курдук, «Помощь волонтера бесценна» хамсааһыҥҥа үлэлэриттэн, үөрэхтэриттэн быыс булан улууспут бары олохтоохторо кытталлар. Кинилэр түмсэн хаххалыыр сиэккэни баайаллар, харысхаллары оҥороллор, таҥас-сап тигэллэр. Балар ситэриллэн-хоторуллан сэтинньи ортотугар улуустан байыаннай дьайыыга сылдьар уолаттарбытыгар барар дэлэгээссийэҕэ туттарыллыахтаахтар.

Маны таһынан, уоппускаҕа кэлбит, хантараагынан баран эрэр уолаттарбытын көрсөбүт, атаарабыт. Үтүө санаалаах волонтердарбыт ис сүрэхтэриттэн кыһаллан оҥорбут малларыттан кинилэргэ туттараллар. Онтон улуустааҕы уйулҕа үлэһиттэрэ уолаттарга санааны уоскутар дьарыктары, кэпсэтиилэри ыыталлар.

Саргылана Никитина,

Бороҕон, Уус Алдан.

Ааптар хаартыскаларга түһэриитэ