Уус Алдан таксиһыгар махтаналлар

Байыаннай дьайыыга сылдьар биир дойдулаахтарбытыгар, госпиталларга сытар байыастарга көмөнү ыытыы бырааһынньык да күннэргэ тохтообот.

— Ороһуоспа күн  Кэбээйи улууһа астаан, түмэн ыыппыт ыһаары соботун, бурдук аһын Хабаровскай, Владивосток хайысхаларынан ыыттыбыт. Уус Алдан таксиһыгар Андрей Бережневка махтанабыт. Уолаттар дойдуларын аһын аһаан сэниэ киллэриниэхтэрэ этэ, — диэн  Светлана Диодорова-Лаврентьева  иһитиннэрдэ.

Итиэннэ сорох таксистар харчы көрдүүллэрин уонна  бу Уус Алдан таксиһа  миэстэлээх эрэ буоллар,  көмөнү босхо илдьэрин эбэн  эттэ  https://t.me/voenkory_yakutii  телеграм-ханаалга.