«Үөрэх» национальнай бырайыак чэрчитинэн, Уус Алдан улууһун Бороҕонугар 450 миэстэлээх саҥа оскуола тутуллан үлэҕэ киириэҕэ.
Оскуоланы тутуу 2021 сылтан саҕаламмыта. Үс мэндиэмэннээх, 6 тыһыынча кв.м иэннээх эбийиэги «Русстрой” ХЭУо тутар. Бүгүҥҥү күҥҥэ бары тутар-таҥар үлэлэр үмүрүтүллүбүттэр. Эбийиэк 95 % бэлэм. Билигин оскуолаҕа миэбэли таҥыы, технологическэй тэриллэри олордуу уонна бырайыак дизайнын оҥоруу үлэтэ барар.
«Үөрэх салаатын материальнай-тиэхиньиичэскэй баазатын тупсарыыга өрөспүүбүлүкэ ылсар. Эрдэ сыл ахсын уоннуу оскуоланы үлэҕэ киллэрэр эбит буоллахпытына, ааспыт сылга 14 оскуола үлэҕэ киирбитэ. Оттон быйыл 21 оскуоланы дьэндэтэн үлэҕэ киллэрэр былааннаахпыт», — диэн бэлиэтиир Ил Дархан Айсен Николаев.
Саҥа киириэхтээх оскуолаҕа 17 үөрэнэр кэбиниэт, үс лаборатория, мастарыскыайдар, успуорт уонна гимнастика саалата, 150 миэстэлээх остолобуой, бибилэтиэкэ, методическэй кэбиниэттэр ,270 миэстэлээх аахтабай саала баар буолаллар. Оскуола олбуоругар оҕолорго аналлаах оонньуур комплекстар, күн уотуттан хаххалыыр бүрүөһүннээх физкультура-успуорт саалата оҥоһуллар.
Бэлиэтээн суруйдахха, бүтэһик биэс сылга өрөспүүбүлүкэ куораттарыгар уонна улуустарга уопсайа 36 оскуола тутуллан үлэҕэ киирбит.
Бу ураты каарта оҕолорго төрөөбүт дойдуларын дириҥник өйдүүргэ уонна умнуллубат өйдөбүллэри бэлэхтиэҕэ. Манна Саха сирин…
Соторутааҕыта Ыксаллаах быһыы-майгы министиэристибэтин 35 сылыгар аналлаах тэрээһин Уһук Илин бастыҥ баһаарынайдарын түмтэ. Бу туһунан…
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…