Уус Алдан улууһун Оройуоннааҕы киин балыыһатын быраастара диспансеризацияҕа сыһыаннаан, нэһилиэнньэҕэ улахан үлэни ыыталлар. Кинилэр ыарыыны эрдэ булан быһаарыы улахан оруоллааҕын итэҕэтэллэр уонна диспансеризацияҕа суолта биэрэргэ ыҥыраллар.
Диспансеризация сыалынан-соругунан, бастан туран, инбэлииккэ тахсарга эбэтэр ыарыыттан өлүүгэ тириэрдэр хаан эргиирин ыарыыларын (сүрэх ишемическэй уонна тымыр ыарыыларын), кутталлаах искэннэри, саахарынай диабеты, тыҥаҕа дьарҕа ыарыылары, сыстыгана суох олохсуйбут ыарыылары эрдэттэн быһаарыы буолар.
Улууска бу сыл саҕаланыаҕыттан улахан дьон 76,7%, ол эбэтэр түөрт тыһыынча кэриҥэ киһи диспансеризия өҥөтүнэн туһанна.
Улуус 10 тыһыынчаттан тахса киһитэ сыл аайы ыытыллар мэдиссиинискэй көрүүгэ сырытта, а.э. нэһилиэнньэ 100% кытынна. Ковидынан ыалдьыбыт дьон доруобуйатын дириҥник чинчиэйн көрөр диспансеризация туһунан эттэххэ, нэһилиэнньэ 90,8% хабылынна.
Санатан эттэххэ, диспансеризация икки түһүмэҕинэн босхо ыытыллар. Бастакы түһүмэх доруобуйаны чинчийэргэ уонна сыстыгана суох олохсуйбут ыарыылары уонна салҕыы сайдар сибикилэрин буларга анаан ыытыллар. Иккис түһүмэххэ бастакы түһүмэх түмүктэринэн сиэттэрэн, эбии чинчийии ыытыллар, «узкай» идэлээх исписэлиистэр ыарыыны чопчулууллар.
Уус Алдан улууһун Оройуоннааҕы киин балыыһатын пресс-сулууспата
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…