Уус Алдан улууһун дьаһалтата, тэрилтэ салайааччылара байыастары кытта көрүстүлэр

Уус Алдан улууһун дьаһалтата, тэрилтэ салайааччылара байыаннай дьайыы кыттыылаахтарын, төрөппүттэрин, дьиэ кэргэттэрин кытта көрсүбүттэр.  

— Улуус дьаһалтатын баһылыга Василий Алексеев ааспыт сыл бүтүүтэ анал байыаннай дьайыы буола турар сиригэр биир дойдулаахтарбытыгар көмө тиэрдэ, көрсө бара сылдьыбыттарын туһунан сиһилии кэпсээтэ.

Салгыы байыаннай дьайыыга дойдуларын туһугар олохторун толук уурбут биир дойдулаахтарбытыгар, хорсун буойуттарга аналлаах сквер тутуллуохтааҕын туһунан улуустааҕы тутуу уонна архитектура управлениетын начаалынньыга Максим Гуляев билиһиннэрдэ.

Байыаннай дьайыыттан кэлбит буойуттар доруобуйаларын чөлүгэр түһэрэр үлэ, социальнай көмө, үлэлээх-дьарыктаах буолууларын, сиринэн хааччыйыы уо.д.а. боппуруостарга тустаах тэрилтэ салайааччылара иһитиннэриилэри оҥордулар, араас боппуруостарга хоруйдары биэрдилэр, — диэн улуус дьаһалтатын пресс-сулууспата иһииннэрэр.