Уус Алдаҥҥа байыаннай дьайыы кыттыылаахтарын дьиэ кэргэттэрин кытта аһаҕас кэпсэтии буолла

Бу тэрээһиҥҥэ араас тэрилтэлэр салайааччылара, исписэлиистэрэ уонна анал байыаннай дьайыы кыттыылаахтарын дьиэ кэргэттэрин кыһалҕаларын кытта үлэлиир «Биир ньыгыл Арассыыйа» баартыйа чилиэннэрэ кыттыыны ыллылар.

Уус Алдан улууһун баһылыга уонна «Биир ньыгыл Арассыыйа» баартыйа олохтоох салаатын сэкирэтээрэ Василий Алексеев иһитиннэрбитинэн, кини салайааччылаах дэлэгээссийэ сэтинньи ыйга анал байыаннай дьайыы зонатыгар тиийэн, биир дойдулаах буойуннарыгар аадырыстаах баһыылкалары уонна гуманитарнай көмөнү тиэрпиттэр, уолаттары кытта көрсүбүттэр.

Көрсүһүү кэмигэр байыаннай дьайыы кыттыылаахтарын аймахтара элбэх ыйытыыны биэрдилэр. Салайааччылартан уонна исписэлиистэртэн суһал хоруйдары уонна сүбэни-аманы ыллылар.

Көрсүһүү түмүгэр кэлбит дьон салалтаҕа өйөбүллэрин уонна истиҥ сыһыаннарын иһин барҕа махталларын биллэрдилэр. Кинилэр бу уустук кэмҥэ биир сомоҕо буолуу суолтатын бэлиэтээтилэр уонна ханнык баҕарар кыһалҕаны бииргэ туоруохпут диэн эрэнэллэрин эттилэр.