Соторутааҕыта РФ бырабыыталыстыбата Уус Алдан улууһун Оройуоннааҕы киин балыыһатын иккис уочаратын бырайыактааһыны үбүлүүр туһунан бирикээһи бигэргэттэ.
Балыыһа 11 куойкалаах уонна 104 киһи сылдьар поликлиникалаах буолуоҕа. Тутууга 12 мөлүйүөнтэн тахса көрүллүөхтээх.
Бороҕон сэлиэнньэтигэр балыыһа комплекса “Доруобуйа харыстабылын сайыннарыы” РФ судаарыстыбаннай бырагырааматын олоххо киллэрии көмөтүнэн тутуллуоҕа.
«Биллэн турар, балыыһа саҥа комплексын тутуу улахан социальнай суолталаныаҕа уонна нэһилиэнньэҕэ мэдиссиинэ көмөтө хаачыстыбалаах, табыгастаах буоларыгар көмөлөһүөҕэ, — диэн Уус Алдан улууһун Оройуоннааҕы киин балыыһатын кылаабынай бырааһа Анна Саввична Петрова санаатын үллэһиннэ.
Бороҕон сэлиэнньэтигэр балыыһа биир кэлим куорпуһа суох буолан, бастакы көмөнү уонна суукканы быһа анал көмөнү оҥорор подразделениелар бары хас да эбийиэккэ тарҕанан үлэлииллэр (барыта 9 дьиэҕэ). Ол дьиэлэрбит тиэхиньиичэскэй эспэртиисэ түмүгүнэн саахалланар уонна хаарбах туруктаахтар. Ол иһин, нэһилиэнньэ 4 аадырыһынан сылдьарга күһэллэр. Онон нэһилиэнньэ уонна мэдиссиинэ үлэһиттэрэ балыыһа комплексын тутууну олус күүтэллэр.
Уус Алдан улууһун Г.Г.Никифоров аатынан Оройуоннааҕы киин балыыһаҕа күнүскү сытар балыыһалаах уонна стоматология сулууспалаах 2 поликлиника (улахан дьон уонна оҕолор), килииникэ-диагностика лабораторията, 6 отделение, 8 быраас амбулаторията уонна балыыһа 6 салаата, сэллиги утары охсуһар диспансер, 4 биэлсэр пууна уонна 12 биэлсэр-акушер пууна киирсэллэр.
Өлүөнэ мууһа Нам улууһун сиринэн-уотунан ааһар, ол да буоллар улууска өрөмүөн үлэлэрэ номнуо саҕаланнылар. Улууска…
Суһал ыстаап киэһээҥҥи брифинигэр бүгүн, ыам ыйын 19 күнүгэр, СӨ Бырабыыталыстыбатын бэрэссэдээтэлин бастакы солбуйааччы Дмитрий…
Саха сиригэр пионерскай тэрилтэ төрүттэммит күнүнэн 1924 сыл олунньу 17 күнэ ааҕыллар. Бу күн Дьокуускайга…
Нерюнгри куоракка ыытыллыбыт Арассыыйа үөрэнээччилэрин XII Спартакиадаларын II түһүмэҕэр уус-уран гимнастикаҕа Саха сирин спортсменкалара 3 …
Таатта улууһугар Таптал, Эрэл, Итэҕэл сылынан уонна Саха Өрөспүүбүлүкэтигэр "Ньургуһун" күнүнэн тыл үөрэхтээҕэ, биллиилээх литературнай…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга баран, олохтоохтор…