С.Васильев ыытта
Соторутааҕыта Уус Алдан улууһун бөрөһүттэрин түмэн, үөрэтэр-дьарыктыыр сэминээри ыыппыттар. Маны улуус дьаһалтата уонна СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин Уус Алдан улууһунааҕы Экологияны судаарыстыбанан кэтээн көрүүгэ иниспиэксийэтэ тэрийбиттэр.
— Бу тэрээһини улуус дьаһалтатын иһинэн Бултааһыҥҥа уонна балыктааһыҥҥа сэбиэт сүрүннээтэ. Билиҥҥи туругунан, улууска 10 тахса бөрөһүттээхпит. Адьырҕа кыылы бултааһыҥҥа саҥа саҕалыан баҕалаах булчуттар эбиллэн, сүүрбэттэн тахса киһи сэминээргэ муһунна. Манна Бэтэринээрийэ, тыа хаһаайыстыбатын улуустааҕы управлениелара, Росгвардия салаата эмиэ кытыннылар. Бөрөһүттэрбитигэр кыылы бултааһыҥҥа, ахсаанын сүрүннээһиҥҥэ өрөспүүбүлүкэ, улуус бастыҥ уопутун билиһиннэрдибит. Хапкааны эҥин хайдах иитиигэ тиийэ көрдүлэр-иһиттилэр. Бастыҥ бөрөһүттэрбитин бэлиэтээтибит. Холобур, уопуттаах бөрөһүт Николай Васильевис Свешников “Үлэҕэ килбиэнин иһин” улуус бэлиэтин, бөрөһүттэр биригээдэлэрин биригэдьиирэ Василий Иванович Копырин Ил Түмэн Экологияҕа сис кэмитиэтин Бочуотунай грамотатын туттулар.
Таарыйа аҕыннахха, биһиги улууспут сиригэр-уотугар 30-ча бөрө баара бэлиэтэнэр. Бэл, аҕыйах хонуктааҕыта Тулунаҕа сылгы үөрүгэр чугаһыы сылдьыбыттара. Хата, тардыбатахтар, — диэн кэпсээтэ СӨ Экологияҕа, айылҕаны туһаныыга уонна ойуур хаһаайыстыбатыгар министиэристибэтин Уус Алдан улууһунааҕы экологияны судаарыстыбанан кэтээн көрүүгэ иниспиэксийэтин салайааччыта Семен Сергеевич Васильев.
Хаартыскалары: С.Васильев ыытта.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…