Хаартыскаҕа Аркадий Трулин түһэриитэ
Ааспыт өрөбүллэргэ Уус Алдан улууһугар Майаҕаска эмиэ биир уратылаах бильярдка күрэхтэһии буолан ааста.
Күрэхтэһиини успуорт бэтэрээнэ, оскуолаҕа учууталынан үлэлиир Ю.К.Кычкин 55 сааһын туолар бэлиэ күнүнэн тэрийэн ыытта. Суол-иис мөлтөҕүн аахсыбакка, улуус алта нэһилиэгиттэн сэттэлии киһилээх хамаанда тэринэн кэлбиттэр. Спортсменнар турунан бэлэмнэммит буоланнар, күрэхтэһии кытаанаҕа буолла. Илин-кэлин түсүһүүлээх күрэхтэһииттэн дьон-сэргэ сэргэхсийдэ.
Түмүккэ, төрөөбүт күннээх Ю.К.Кычкин хамаандата бастаан үөрүү-көтүү бөҕө буоллулар. Иккис миэстэни Кэптэни хамаандата ылла. Үһүс бириистээх миэстэҕэ Өнөр спортсменнара тигистилэр. Күрэхтэһии түмүгүнэн кыайыылаах хамаандалар бары Юрий Кимович бэлэмнээбит сыаналаах анал бириистэринэн наҕараадаланнылар. Дьон-сэргэ күрэхтэһэн улаханнык үөрдэ, астынна. Күрэхтэһээччилэр санаа атастаһыытыгар Бороҕоҥҥо тутулла турар спортивнай комплекс үлэҕэ киирэрин, онно бильярдка анаан миэстэ биэрэллэрэ буоллар диэн эттилэр.
И.Сивцев-Бээди.
Хаартыскаҕа Аркадий Трулин түһэриитэ.
Алдаҥҥа кыбартыыраҕа баһаарга 51 саастаах дьахтар суорума суолланна, 62 саастаах эр киһи эмсэҕэлээтэ диэн СӨ…
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…