Уус Алдаҥҥа дьахтар сүттэ

От ыйын 22 күнүгэр, түүн 2 чаас 22 мүнүүтэҕэ Быыһыыр сулууспаҕа Уус Алдан улууһугар 1972 сыл төрүөх дьахтар сүппүтүн туһунан иһитиннэрии киирбит. 

Бэҕэһээ, от ыйын 21 күнүгэр, дьиэ кэргэнин кытта Лөгөй нэһилиэгин Хомустаах бөһүөлэгин аттынааҕы Сылгыһыттаах диэн сиргэ  сынньана барбыттар. Дьахтар деменциянан ыалдьар эбит. Ханна да барбыта биллибэккэ, сүтэн хаалбыт. Дьоно ойуурга көрдүү сатаабыттар да, булбатахтар. Сарсыарда 10 чааска Бороҕонтон 15 киһи 5 тиэхиникэнэн 2 көтөр аппарааты илдьэ, дьахтары көрдүү туруннулар.

СӨ Быыһыыр сулууспата бу быһылааны хонтуруолга тутар диэн иһитиннэрэр.