Уус Алдаҥҥа эр киһини дьахтар быһахтаабыт

Ааспыт сууккаҕа Саха сиригэр тоҕус буруйу оҥоруу буолбутун туһунан СӨ Борокуратуурата иһитиннэрэр.

Уус Алдан улууһун Сыырдаах нэһилиэгэр 1980 с.т. эр киһини искэ быһаҕынан анньыбыттар, уорбаланааччы дьахтары быһаарбыттар.

Дьокуускайга үс бэлисипиэти, харчыны, суотабай төлөпүөнү уорбуттарын туһунан иһитиннэриилэр киирбиттэр. Дьахтары Энергосбыттан эрийэбит диэн албыннаан, 1 мөл.солк. суйдаабыттарынан холуобунай дьыала тэрилиннэ.

Киин куоракка питбайкы уорбуттар, итирэн баран уруулга олорбут дьон иккиһин тутуллубуттар.

Киһи өлүүлээх суол саахала бэлиэтэммэтэх.

Суукка устата итирик туруктаах алта суоппар тутуллубут.