Уус Алдаҥҥа икки оҕолоох тайаҕы көрдүлэр

Уус Алдан улууһугар Бороҕон — Танда суолунан айаннаан иһэр дьон икки оҕолоох тайаҕы көрдүлэр.

Ыҥаахтар суолга тахсан хаамса сылдьар кэмнэригэр, ийэлэрэ суол кытыытынааҕы ууга сөрүүкүү, уста сылдьар. Массыынаны көрөн баран, ийэлэрэ ууну туораан, ойуурга тахсар, оҕолоро суолга хаалаллар. Ол кэнниттэн булсубут буолуохтаахтар.

Сэдэх көстүүнү көрөн, массыына иһигэр туспа мучумаан буолар — оҕолор «олень, олень!» диэн айманаллар. Аҕалара «лось» диэн көннөрөр.

Тайах икки оҕолоноро сэдэх көстүү. Оҕолорун үүтүнэн тоторуон, адьырҕалартан куоттартыан, күһүҥҥэ диэри улаатыннартыан наада. Хаартыскаҕа көстөрүнэн, оҕолоро соторутааҕыта төрөөбүт кэриҥнээхтэр.

Сэдэх видео устубуттарын «Мүрү саһарҕата» телеграм-ханаал таһаарбыт.

Салгыы «Тайах оҕото» диэн тулаайах хаалбыт ыҥаах туһунан кэпсээни ааҕыҥ.

https://edersaas.ru/tajah-o-oto-kepseen/

https://edersaas.ru/wp-admin/post.php?post=10964&action=edit#:~:text=https%3A//edersaas.ru/tajah%2Do%2Doto%2Dkepseen/

https://sakha-sire.ru/video-olonho-yhy…elen-yaldyttaata/ ‎

Светлэйгэ тайах оҕотун буллулар