Хаартыска: sakha.gov.ru
Араак ыарыыны сэрэтии уонна эрдэтээҥи булуу – бу ыарыыны утары охсуһууга сүрүн үлэлэринэн буолаллар.
Саха сирин олохтоохторугар анал мэдиссиинэ көмөтүн тэрийиигэ онкологическай десант Уус Алдан улууһугар сырытта. Мэдиссиинэ көрүүтэ улууска 7 нэһилиэккэ 5 хонук устата ыытылынна.
Онкологическай десант хамаандатын састаабыгар онкогинеколог, эндоскопист уонна УЗ-диагност буолан үлэлээтилэр. Быраастар улуус 366 олохтооҕун көрдүлэр, ол иһигэр УЗИ уонна ФГДС анал чинчийиилэрин ыыттылар. Араак клеткаларын ырытыыга 467 киһиттэн анаалыс ылылынна. Чинчийии түмүгүнэн Дьокуускайдааҕы онкологическай диспансерга 58 ыарыһаҕы сиһилии үөрэтиигэ анаатылар.
«Онкодесант» бырайыак улуустааҕы балыыһалары кытта 2019 сылтан ыытыллар. Бу кэмтэн ыла 10 тыһ. тахса киһиэхэ чинчийии оҥоһуллубут, олор ортолоругар 84 түбэлтэ арыллыбыт уонна олохтоохторго кэмигэр эмтэнии саҕаламмыт.
Өрөспүүбүлүкэтээҕи онкологическай диспансер саҥа ирдэбиллэринэн ыарыыны эрдэтинэ булууга үлэтин салгыы сайыннарар. Быйыл онкологическай десант өссө 11 улууска тиийэрэ былааннанар: Алдан, Амма, Үөһээ Бүлүү, Горнай, Кэбээйи, Мэҥэ Хаҥалас, Нерюнгри, Ньурба, Өлүөхүмэ, Томпо уонна Уус Маайа улуустарыгар.
Санатан эттэххэ, кини дойду Бэрэсидьиэнэ Владимир Путин көҕүлээһининэн, бырайыак «Доруобуйа» национальнай бырайыак чэрчитинэн олоххо киллэриллэр уонна онкологическай десант Саха сирин улуустарынан тахсаллар.
СӨ Ил Дарханын уонна Бырабыыталыстыбатын пресс-сулууспата
Бүгүн, ахсынньы 17 күнүгэр, өрөспүүбүлүкэ хоту, илин, соҕуруулуу-арҕаа өттүгэр кыралаан хаардыаҕа. Киин, арҕаа улуустарга туманнаах,…
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…