Уус Алдаҥҥа оробуочай тутуу үнүстүрүмүөннэрин уорбут

ИДьМ сулууспатын Уус Алдан оройуонун дьуһуурунай чааһыгар тутуу тэрилтэтин бэдэрээччиттэ үнүстүрүмүөн уорбуттарын туһунан тыллаабыт. Материальнай хоромньу суумата 45 тыһыынча солкуобайга тэҥнэспит.

Көрдүүр тэрээһиннэринэн полиция үлэһиттэрэ 43 саастаах эр киһини туттулар.

Силиэстийэ быһаарыытынан, хара санаалаах эр киһи тутуу хампаанньатыгар оробуочайынан үлэлээбит. Шуруповерт, болгарка уонна хас да боруобат тутан уорбаланааччы тутуу үлэтигэр барбыт. Ол эрээри, кэлин эр киһи үнүстүрүмүөннэри төннүннэрбэтэх, барытын атыылаабыт. Харчыны тус наадатыгар туһаммыт.

Холуобунай кодексатын 2 ч. 158 ыст. холуобунай дьыала тэрилиннэ. Эр киһи 5 сылга диэри болдьоххо көҥүлэ быһыллыан сөп, диэн ИДьМ пресс-сулууспата суруйар.