Уус Алдаҥҥа сааны уонна ботуруону сокуоннайа суохтук харайбыттара биллибит

Саха сиригэр ааспыт сууккаҕа аҕыс буруйу оҥоруу буолбутун туһунан СӨ Борокуратуурата иһитиннэрэр.

Үөһээ Халыма улууүун Зырянка бөһүөлэгэр эр киһи доруобуйатын улаханнык эчэттилэр. Уорбаланааччы быһаарылынна.

Муома оройуонун Хонуу сэлиэнньэтигэр суотабай төлөпүөнү күүстэринэн былдьаан ылбыттарын туһунан сайабылыанньа суруллубут.

Нерюнгрига түөкүттэр эр киһиттэн 1,8 мөл.солк. тахса харчыны уорбуттар. Хара санаалаахтар ФСБ үлэһиттэрэбит дэммиттэр.

Дьокуускайга уоруу туһунан сайабылыанньалар киирбиттэр, ол иһигэр баан счетуттан.

Итирэн баран уруулга иккистээн олоруу бэлиэтэммит. Уус Алдаҥҥа сааны уонна ботуруону сокуоннайа суохтук харайбыттара биллибит.

Дьокуускайга «Тойота Пробокс» массыына суоппара сатаан салайбакка суол утары балаһатыгар тахсан, «Камаһы» кытта харсыспыт. Ол түмүгэр «Тойота» суоппара уонна пассажира госпитализацияламмыттар.

Суукка иһигэр итирик туруктаах 11 суоппар тутуллубут.