Хаартыска:Улуус дьаһалтатын пресс-сулууспата.
Бүгүн, кулун тутар 17 күнүгэр, Уус Алдан улууһун Курбуһах нэһилиэгэр оҕо уһуйаана үөрүүлээх быһыыга-майгыга аһылынна.
Уус Күөлүнээҕи «Чуораанчык» оҕо уһуйаанын саҥа эбийиэгин «Тыа сирин кэлимник сайыннарыы» федеральнай бырагырааматынан, «Силим» тутуу хампаанньата 2021 сыл муус устар 17 күнүттэн саҕалаан, икки сыл устата тутан олоххо киллэрдэ.
50 оҕо сылдьарыгар, уһуйулларыгар ананан тутуллубут саҥа эбийиэк 659,84 кв.м. уопсай иэннээх, аһыыр сирдэрэ, утуйар, дьарыктанар саалалара тус-туһунан, оҕо үүнэригэр-сайдарыгар бары ирдэбилгэ толору эппиэттиир гына тупсаҕайдык тутуллубут.
Бу саҥа оҕо уһуйаанын малааһыныгар СӨ Ил Түмэн государственнай мунньаҕын бэрэссэдээтэлин бастакы солбуйаачыта Александр Жирков, СӨ тыа хаһаайыстыбатын миниистирэ Александр Атласов, улуус баһылыга Алексей Федотов уо.д.а. кыттыыны ылан олохтоохтор үөрүүлэрин тэҥҥэ үллэһиннилэр, тутууга кылааттарын киллэрбит дьоҥҥо истиҥ махталларын, эҕэрдэлэрин тиэртилэр.
Алексей Васильевич, бу Курбуһах нэһилиэгэр олохтоох дьаһалта таһаарыылаахтык үлэлээн, дьон олоҕо тупсан-сайдан иһэрин бэлиэтээн туран, нэһилиэнньэ биир саамай туруорсар, айан суолун оҥорторуу боппуруоһа быһаарыллан, быйылгы дьылга олоххо киириэхтээҕин туһунан иһитиннэрбитин ытыс тыаһынан көрүстүлэр.
Улуус дьаһалтатын пресс-сулууспата.
Суруналыыстары кытта көрсүһүүтүгэр Евгений Григорьев мээр дуоһунаһыгар салгыы үлэлиир былааннааҕын туһунан иһитиннэрдэ. Ол эбэтэр быыбарга…
Аҕыйах сылтан бэттэх саҥа дьыллааҕы баата оонньуурдары оҥорор киһи элбээтэ. Баататтан оҥоһуллубут Моруос оҕонньоттору, Хаарчааналары…
Бүгүн, ахсынньы 18 күнүгэр, Дьокуускай куорат оскуолаларын үөрэнээччилэригэр актированнай күн биллэрилиннэ. Бу туһунан Дьокуускай куорат…
ОСАГО (автогражданскай эппиэтинэс булгуччулаах страхованиета) тарыыптарыгар уларытыылары киллэрбиттэрэ. Саҥа полиһы хайдах оҥотторор, туох докумуоннар ирдэнэллэрин…
Бүгүн, ахсынньы 18 күнүгэр, Саха сирин сорох улуустарыгар -20 кыраадыс буолара күүтүллэр диэн УГМС иһитиннэрэр.…
«Саханефтегазсбыт» АУо 2025 сылга ыраах сытар, сылы эргиччи суола-ииһэ суох, автозаправочнай (АЗС) уонна контейнернай автозаправочнай…