Хаартыска: Уус Алдан улууһун дьаһалтатыттан
Уус Алдан улууһугар олохтоох сиэмэни үүннэриигэ биир бастыҥ үлэлээх «Биэттэ-Агро» хаһаайыстыбаҕа бурдук харайар cаҥа ыскылаат тутуллан үлэҕэ киирдэ.
Оройуоннаммыт бурдук сиэмэтин үүннэриигэ улахан уопуттаах «Биэттэ-Агро» бурдук хаһаайыстыбата, өрөспүүбүлүкэҕэ сиэмэ тарҕатар хаһаайыстыба буолан, сиэмэ харайар ыскылааты тутуу, бу ааспыт сылларга тыын боппуруоһунан буолбута. Бу туһунан Уус Алдан улууһун дьаһалтатын пресс-сулууспата иһитиннэрэр.
Хаһаайыстыба үлэтэ харгыһа суох, таһаарыылаах буоларын туһугар улуус дьаһалтата, тыа хаһаайыстыбатын управлениета уонна олохтоох салалта бары биир сүбэнэн үлэлээн, ыскылаат тутулунна. Быйылгы дьылга “Биэттэ-Агро” хаһаайыстыба 565 гектарга туорахтаах култуураны ыһан, үрдүк үүнүүнү хомуйаары бэлэмнэнэр.
Бу үөрүүлээх тэрээһиҥҥэ кэлбит ыалдьыттар бурдук сиэмэтин соҕотуопкалааһынҥа инники күөнҥэ сылдьар «Биэттэ-Агро» хаһаайыстыба ыытар үлэтин үрдүктүк сыаналаатылар. Инникитин өссө ситиһиилэри баҕаран туран, СӨ Тыатын хаһаайыстыбатын министиэристибэтэ саҥа “Вектор 410” комбайн, оттон улуус дьаһалтата МТЗ-82 тыраахтар күлүүстэрин үөрүүлээх быһыыга-майгыга туттардылар.
Баатаҕай нэһилиэгин дьоно-сэргэтэ былыр-былыргыттан сир үлэтигэр улахан болҕомтону ууран үлэлээн кэлбиттэрэ. Ол туоһутунан холкуостааһын саҕаттан сир үлэтигэр туттуллубут тиэхиньикэлэри нэһилиэк ытык кырдьаҕаһа Денис Алексеевич Ефимов бэйэтэ булан, хомуйан хаалларбыт, Николай Тарскай аатынан түмэл иһинэн баар кэллиэксийэтэ буолар. Кэлин сөргүтэн, эбии экспонат хомуйан педагогическай үлэ бэтэрээнэ Ксения Иннокентьевна Румянцева улахан үлэни ыытта. 2021 сыллаахха СӨ Агрономическай сэбиэтин өйөбүлүнэн анал бүрүөһүн тутуллан, эбии оҥоһуллан, бу күн дьон-сэргэ, кэнчээри ыччат көрүүтүгэр аанын тэлэччи аста.
Энэргиэтик утахтартан сылтаан, эдэр дьон доруобуйалара айгыраабытын туһунан сурахтар кэлэр буоллулар. Туох буортулааҕый уонна тоҕо…
Айар куттаах суруйааччылар ахсынньы 7 күнүгэр аам-даам тымныыны аахсыбакка ахсынньы аргыарын ортотунан «Ника» уораҕайга ыраахтан…
Ахсынньы 11 күнүгэр Дьокуускай куоракка «Өрөгөй» улахан уораҕайыгар «Ньурбалар түмсэр түһүлгэлэрэ» диэн элбэх биир дойдулаахтарын…
Быйыл Өймөкөөн улууһугар айылҕа иэдээнэ – улахан алдьатыылаах халаан үгүс хоромньуну таһаарбыта. Ахсынньы 2-3 күннэригэр…
“... Наһаа улахан киһи кэлэн ааста... Омуна суох, ууну-уоту ортотунан ааспыт салайааччыбыт киһиэхэ үчүгэйи эрэ…
Дьоллоох олохпутун салҕаан, өссө ордук үчүгэйдик олоруохпут… Алексей Ильич Сосин 1905 сыллаахха Мэҥэ Хаҥалас оройуонугар Моорук…