Уус Алдаҥҥа сымыйа дастабырыанньалаах суоппар тутулунна

Ыам ыйын 21 күнүгэр ИДьМ сулууспатын ГИБДД отделын ДПС үлэһиттэрэ Уус Алдан улууһун Сыырдаах нэһилиэгин Церковнай уулуссаҕа бэрэбиэркэ кэмигэр 22 саастаах эдэр суоппар «SHAАNXI» массыынатын тохтоппуттар.

Суоппар  ДПС үлэһиттэригэр сымыйа суоппар дастабырыанньатын көрдөрбүтэ быһаарыллыбыт. Полиция үлэһиттэрэ сымыйа докумуон бэриллибитин туһунан боротокуол толорон, салгыы суһал-силиэстийэлиир дьыаланы арыйарга уонна суут көрүүтүгэр ыытарга быһаардылар. Массыына тутулунна диэн Саха сиринээҕи ГИБДД пресс-сулууспата суруйар.

Российскай Федерация Холуобунай Кодексатын 327-с ыст. буруйданааччы биир сылга диэри көҥүлэ быһыллыан сөп.