Уус Алдаҥҥа УАЗ уонна «Камаз» харсыстылар

Уус Алдан улууһугар трассаҕа УАЗ уонна «Камаз» массыыналар харсыстылар. Суол быһылааныгар икки киһи эчэйдэ. Бу туһунан өрөспүүбүлүкэ борокуратуурата иһитиннэрэр.

Эчэйбит дьону госпитализациялаатылар.

Итиэннэ ааспыт сууккаҕа Чурапчыга эмиэ суол быһылаана буолбута бэлиэтэммит. «Тойота Аксио» массыына суоппара сатаан салайбакка, турар тыраахтарга тиийэн түспүт. Быһылааҥҥа массыына пассажира эчэйбит.