Уус алданнар байыаннай дьайыыга сылдьар биир дойдулаахтарыгар көмө илдьиэхтэрэ

Уус Алдан улууһун баһылыга Василий Алексеев салайааччылаах  дэлэгээссийэ  байыаннай дьайыыга кытта сылдьар биир дойдулаахтарын көрсө бу күннэргэ айаҥҥа турунуохтаах.  

Ыраах айаҥҥа  бэлэмнэнэн  улуус үрдүнэн гуманитарнай көмөнү хомуйуу ыытыллыбыта. Олохтоохтор, тэрилтэлэр көхтөөхтүк кыттан, уопсайа 1306 киилэ гуманитарнай көмө хомулунна диэн  улуус дьаһалтатын  пресс-сулууспата иһитиннэрдэ. Ол иһигэр араас эмп-том, волонтердар, иистэнньэҥнэр тикпит таҥастара, бүрүйэр илимнэр,  дронтан хаххалыыр суорҕаннар, пончо плащтар,  харысхаллар, саха быһахтара уо.д.а. мал-сал.

— Улуустааҕы “Эрэл” фондаҕа улууспут бары тэрилтэлэрин үлэһиттэриттэн биир күннээҕи хамнастара хомуллан уонна биирдиилээн дьон, урбаанньыттар укпут көмөлөрө 3 068 400,38 солкуобайга тэҥнэстэ. «Бары бииргэ» аахсыйа кэнсиэркэнсиэр түмүгүнэн 102 000 солкуобай уу харчынан киирдэ.

Маны сэргэ Дьокуускай куоракка биир дойдулаахтарбыт, саха эстрадатын чаҕылхай сулустара кыттыылаах «Кыайыыны уһансан» диэн улахан кэнсиэр түмүгүнэн 157 500 солкуобай көмө киирдэ, —  диэн улуус дьаһалтатын пресс-сулууспата иһитиннэрдэ.