Уус Алдан улууһун баһылыга Алексей Федотов анал байыаннай эпэрээссийэ кыттыылааҕа Вячеслав Ивановтыын көрүстэ.
Уус Алдан улууһун олохтооҕо Вячеслав Артемович Иванов Дьокуускай куораттан быстах хомуурга ыҥырыллыбыта. Анал эпэрээссийэ кыттыылааҕа Вячеслав Иванов төрөөбүт улууһа кинини уонна биир дойдулаахтарын үбүнэн-харчынан уонна гуманитарнай көмөнөн өйүүллэрин, докумуоннары оҥорсууга, юридическай боппуруостарга көмөлөһөллөрүн туһунан эттэ.
Кини 2022 сыл ахсынньы 29 күнүгэр бааһыран, Краснодар кыраайын байыаннай мэдиссиинискэй тэрилтэтигэр госпитальга киирбитэ. Сотору кэминэн Вячеслав Мындааба сэлиэнньэтигэр олорор ийэтэ өлбүтүн туһунан соһуччу сураҕы истибитэ.
Вячеслав Иванов үтүө санаалаах дьоҥҥо, улуус салалтатыгар көмөлөрүн уонна өйөбүллэрин иһин ис сүрэҕиттэн махтанна. Кини сулууспалыыр сиригэр төннүөхтээҕин, онуоха күннээҕи туттар малын-салын, байыаннай эпэрээссийэҕэ наадалаах таҥаһын-сабын атыылаһарыгар уонна Уссурийскайга байыаннай чааһыгар тиийэригэр үп-харчы наадатын туһунан кэпсээтэ.
Улуус баһылыга Алексей Васильевич Федотов киниэхэ хорсун быһыытын уонна төрөөбүт дойдутугар бэриниитин иһин махтанан туран, үп-харчы өттүнэн көмөнү оҥорорго сорудахтаата.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…