Уус алданнар Донецкайга уолаттарын көрсө барыахтара

Бу күннэргэ Донецкай норуодунай өрөспүүбүлүкэҕэ байыаннай дьайыыларга кытта сылдьар байыаннай сулууспалаахтары өйүү уонна көмөлөһө Уус Алдан улууһун баһылыга Алексей Федотов салалтатынан гуманитарнай десант барара былааннанар.
Ол туһунан Уус Алдан улууһун пресс-сулууспата иһитиннэрэр.
Десант састаабыгар Уус Алдан улууһун баһылыга Алексей Федотов, нэһилиэк баһылыктара уонна мобилизацияҕа эппиэттээх исписэлиистэр бааллар.








Кинилэр араас гуманитарнай көмөнү, байыаннай дьайыыларга кытта сылдьар байыаннай сулууспалаахтарыгар дьонноруттан иккилии киилэгэ диэри баһыылка хомуйан илдьиэхтэрэ.
Байыаннай сулууспалаахтарга барар кэһиилэр Уус Алдан улууһун ураты бэлиэтэ ойуулаах уонна харысхал логотиптаах анал мөһөөччүк суумкаҕа угуллуохтара.
Уус Алдан дьаһалтатын пресс-сулууспатын хаарыската.
Сообщить об опечатке
Текст, который будет отправлен нашим редакторам: