Хаартыска: ааптар түһэиириилэрэ
Туймаада ыһыаҕар өрөспүүбүлүкэ улуустара туспа түһүлгэлэнэн, бар дьоннорун үөрэ-көтө көрсөллөр.
Дьокуускай куорат Үрүҥ тунах ыһыаҕар Уус Алдан улууһун түһүлгэтин иккис сылын улуус дьаһалтата куоракка баар түмсүүнү кытары тэрийэн ыытар. Улуус дьаһалтата, дьаһалта үлэһиттэрэ, түмсүүлэр кыргыттара Ыһыах хас да күн инниттэн бэлэмнэнэн, түүннэри астаан-үөллээн, итии аһылыгы саламаатыгар тиийэр миэстэтигэр астаан, биир дойдулаахтарын сибиэһэй сахалыы аһынан күндүлүүллэр.
Ыһыах алгыһын биир дойдулаахтара, СӨ норуодунай артыыһа, Уус Алдан улууһун уонна Лөгөй нэһилиэгин бочуоттаах олохтооҕо Владимир Заболоцкай оҥордо.
Бу улуус тэрийэр түһүлгэтин биир уратытынан, тэрийээччилэр кимиэхэ да анаан-минээн ыҥырыы ыыппакка, түһүлгэҕэ кэлбит дьону барыларын далбар остуолга ыҥыран буор-босхо аһаталлара, күндүлүүллэрэ буолар. Ол туһунан тыл этээччилэр бары кэриэтэ бэлиэтээтилэр уонна киэн тутталларын биллэрдилэр. 500-600 ыалдьыкка суоттанан бэлэмниир буоллахтарына, быйыл 400-тэн тахса киһи сырытта.
Ыһыах ыалдьыттарын ырыаһыттар: «Туймаада» ансаамбыл ырыаһыта Мария Максимова, Василий Местников, «Муус устар» бэстибээл кыттыылааҕа Елена Жиганюк, Кондратий Герасимов, «Кэнчээри» уонна «Алаас кыргыттара» үҥкүү ансаамбыллара уо.д.а. эҕэрдэлээтилэр.
Ахсынньы 15 күнүгэр Дьокуускайга "Патриот" киин арыллыаҕа. Бу ыччакка улахан суолталаах киин буолар. Бу туһунан…
Дьокуускайга ахсынньы 9 күнүгэр "Арассыыйа -- мин устуоруйам" пааркаҕа Аҕа дойду Дьоруойдарын чиэстээтилэр. Бу суолталаах…
2024 сылга «Полярные авиалинии» авиахампаанньа Маҕаннааҕы авиационнай-техническэй баазатын авиатехнига Арассыыйа Федерациятын Оборуонаҕа министиэристибэтин кытта хантараак…
Саха сирэ "Бессмертный полк России" Бүтүн Арассыыйатааҕы хамсааһын пуорумугар "Прорыв года" диэн номинацияҕа кыайыылаах таҕыста.…
Ленскэй оройуоннааҕы ИДьМ дьуһуурунай чааһыгар олохтоох киһи матасыыкылын уордарбытын туһунан иһитиннэрбит. Эмсэҕэлээччи эппитинэн, 25 тыс.солк.…
Мииринэй оройуонун Аҕа дойду буойуннарын дьиэ кэргэннэрин кэмитиэтин салайааччытын солбуйааччы Юлия Порядочных "Патриот" национальнай бириэмийэ…