Уус Алдантан оҕо эбии үөрэхтээһинин киинин «Креативус» бырайыагын сэҥээрдилэр

“Сыыппара алмааһа” пуорум ыччакка аналлаах күнүгэр Уус Алдан улууһун Оҕо эбии үөрэхтээһинин киинин үлэһиттэрэ Афанасий Карамзин, Иван Иванов, Прокопий Колодезников, Евдокия Окоемова, Евгения Местникова, Прасковья Атласова «Креативус» бырайыагы билиһиннэрдилэр.

Педагогтар оҕолору кытта И.А. Крылов «Тураах уонна саһыл» үгэтигэр олоҕуран театральнай мини-туруорууну оҥорбуттар. Онно LEGO MINDSTORMS EV3 уонна Arduino микропроцессор технологияларын туттубуттар.

Бу  куукулалар – аниматрониктар. Аниматронигы оҥоруу – механика, электроника уонна бырагыраамалааһын эйгэтигэр билиини эрэйэр уустук үлэ. Оҕолор куукула персонажтарын саҥардаллар уонна улуустааҕы оҕо уһуйааннарыгар испэктээги көрдөрөллөр.