Уус Маайа олохтооҕун 4 мөлүйүөҥҥэ албыннаабыттар

Уус Маайа улууһугар 28 саастаах эр киһи түөкүттэргэ 4 мөлүйүөн солкуобайын биэрбит.

Рудник үлэһитин “брокер быһыытынан харчы өлөрүөҥ” диэн албыннааннар  уурунуутун барытын суйдаабыттар. Түөкүттэр күн-түүн албынныыр ньымалара сайдан иһэр.

Билигин хас биирдии киһи бүгүн баар харыстанар ньымалары толору туһаныахтаахпыт. Двухфакторнай  аутентификация, пароль менеджердэрэ бэрт эрэллээхтик көмүскүүллэр. Ону таһынан, чугас дьоҥҥутун кытта уопсай пароль толкуйдаан, саарбахтыыр түгэҥҥэ ону ыйытан көмүскэнэргэ сүбэлииллэр. Уонна, биллэн турар, “цифровой гигиена” куруутун тутуһуллуохтаах. Билбэт саайтаргытыгар улахан кыһалҕата суох буоллаххытына, киирэ сатаамаҥ, социальнай ситимнэргэ аһаҕас профиль хаалларымаҥ, уопсастыбаннай миэстэҕэ суруйбут парольгутун сотторон иһиҥ.

Түөкүннээһин саҥа албастарын туһунан бу ыстатыйаҕа ааҕыҥ.