Андрей Сорокин хаартыската, ЯСИА архыыбыттан.
Ааспыт сууккаҕа авиациянан кэтээн көрүү түмүгүнэн, Уус Маайа оройуонугар 3,6 га иэннээх икки ойуур баһаара баара биллибитэ. Баһаары умулларыыга “авиалесоохрана” 26 үлэһитэ үлэлээтилэр. Ол туһунан экология, айылҕаны туһаныы уонна ойуур хаһаайыстыбатын миниистирин солбуйааччы Андрей Коноплев брифиҥҥэ кэпсээтэ.
— Ойуур баһаарын умулуннарар авиационнай сулууспалар түргэнник үлэлээбиттэрин түмүгэр, 2,2 га иэннээх сиргэ баһаар умуруорулунна. Иккис баһаары умулларыыга үлэ барар, — диэн кини иһитиннэрдэ.
Ону тэҥэ, ааспыт сууккаҕа Абый улууһугар 0,1 гаа иэннээх сиргэ хонуу баһаарын умуруорбуттар.
Ленскэй, Чурапчы, Уус Маайа, Томпо, Бүлүү улуустарыгар үрдүк, 4-с кылаастаах баһаартан сэрэхтээх буолуу эрэсиимэ олохтонно.
Дьокуускай куорат, Алдан, Абый, Амма, Бүлүү, Уус Алдан, Эбээн Бытантай улуустарыгар баһаары утары оһуобай эрэсиим киллэрилиннэ.
Бу сааскыттан ыла 145,2 гаа иэннээх сиргэ 25 ойуур баһаара, 1279 гаа иэннээх сиргэ ландшафтнай баһаар буолбут.
Ил Дархан, бырабыыталыстыба дьаһалтатын пресс-сулууспата.
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…