Уус-Маайа оройуонугар сиэн дьахтар эбэтин харчытын уорбут

Саха сиринээҕи Уус-Маайа оройуонун суута баан счетуттан уорууга буруйданар олохтоох дьахтар холуобунай дьыалатын көрдө.

Быйыл олунньуга кыыска эбэтэ ыалдьыттыы кэлэн, үрүксээгин умнан, хаалларан барбыт. Онно баан каартатын булан, сиэнэ көҥүлэ суох бэйэтин наадатыгар туһанарга быһаарыммыт.

Сарсыныгар маҕаһыыҥҥа үлэтигэр сылдьан, кыыс эбэтин каартатынан 710 солкуобайдаах бородуукта атыыласпыт. Ону таһынан, кини банкоматтан иккитэ 2500-түү солкуобайы устубут. Уопсай хоромньу суумата 5710 солкуобай буолбут.

Суут буруйданааччыга 100 тыһыынча солкуобай ыстараабы төлүүргэ уураахтаата. Уураах сокуоннай күүһүгэр киирэ илик, диэн СӨ Сууттарын холбоһуктаах пресс-сулууспата иһитиннэрэр.