Уус Маайа улууһугар 30-тан тахса уһаайба ууга барда

Алдан өрүскэ сааскы халаан  иккис долгуна ааһарынан,  уу таһыма эмискэ үрдээтэ. Икки нэһилиэнньэлээх пууҥҥа  уһаайбалар  ууга бардылар.

Ыксаллаах быһыы-майгы министиэристибэтэ иһитиннэрбитинэн,  Элдьикээн бөһүөлэгэр — 25, Күпсүгэ 11 уһаайбаны уу ылла. Чугастааҕы сууккаҕа халаан долгуна Уус Маайа уонна Томпо улуустарынан ааһыаҕа. Күпсү уонна Охотскай перевоз 19 уһаайбалаах учаастага ууга барар кутталлаах сиргэ тутар.

«Гидрометеорологическай балаһыанньа хонтуруолланар уонна мониториннанар, нэһилиэнньэҕэ  иһитиннэрии тириэрдилэр. Ону таһынан Зырянка көтөр-түһэр балаһатын 45% ууга турар. Олорор дьиэлэри уу ылбата. Нэһилиэнньэ аймахтарынан уонна билэр дьонунан олорор. Халыма бөлөх улуустарыгар, Алдан, Уус Маайа уонна Томпо улуустарыгар  ыксаллаах быһыы-майгы  исписэлиистэрэ үлэлииллэр”, — диэн  ЫБМ управлениетын салайааччыта Павел Гарин иһитиннэрдэ.