Уус Маайа улууһугар эр киһи итирик туруктаах иккиһин уруулга олорон сууттанна

Уус Маайа улууһун борокуратуурата 44 саастаах олохтоох эр киһиэхэ холуобунай дьыала тэриллибитин өйөөтө. Кини РФ Холуобунай кодексын 264.1 ыстатыйатын 1 чааһынан (итирик туруктаах массыынаны иккистээн ыытыы) сууттанна.

Суут быһаарбытынан, эр киһи урут итирик туруктаах массыынаны ыыппытын иһин административнай эппиэтинэскэ тардыллыбыт, ол гынан баран иккиһин итирик туруктаах «Toyota Corolla Spacio» массыына уруулугар олорбут диэн СӨ Бороукуратуурата иһитиннэрэр.

Суут судаарыстыбаннай буруйдааччы санаатын учуоттаан, эр киһини 200 000 солкуобай ыстарааптыырга уонна массыынаны ыытар быраабын 2 сылга быһарга уурда.

Сууттаммыт киһи «Toyota Corolla Spacio» массыыната судаарыстыба туһатыгар былдьанна.

Суут бириигэбэрэ сокуоннай күүһүгэр киирэ илик, өрүттэр ааһыныахтарын сөп.