Салгыы
Уус Маайа улууһугар саҥа балыыһа комплекса аһылынна

Уус Маайа улууһугар саҥа балыыһа комплекса аһылынна

Ааптар:
31.05.2024, 20:57
Хаартыска: Андрей Сорокин, СИА
Бөлөххө киир:

Ыам ыйын 31 күнүгэр Уус Маайа улууһун Уус Маайа бөһүөлэгэр  45 куойка миэстэлээх поликлиникалаах, диагностика отделениелаах балыыһа комплексын  үөрүүлээх аһыллыытын сиэрэ-туома ыытылынна.

Ил Дархан Айсен Николаев балыыһа комплексын саҥа эбийиэгэ аһыллыыта  олохтоохторго доруобуйа харыстабылын эйгэтигэр мэдиссиинэ көмөтүн уонна хаачыстыбатын үрдэтиигэ көмөлөһөрүн бэлиэтээтэ. Эбийиэк уопсайа 6 тыһыынча квадратнай миэтэрэ иэннээх. Улууска аан бастакытын  томография аппараата турда, УЗИ  уонна аныгы лаборатория тэрилиннэ.

«Бүгүн биһиги улууска аныгы оборудованиенан толору хааччыллыбыт үчүгэй саҥа эбийиэги астыбыт. Сүрүнэ диэн билигин олохтоохтор эрэйи-муҥу көрсүбэккэ, мэдиссиинэ көмөтүн барытын миэстэтигэр ылыахтара. Балыыһаҕа дьон доруобуйатын тупсарыыга уонна хас биирдии ыарыһахха харыстабыллаах сыһыаны үрдэтиигэ үтүө холобурунан буолуоҕа диэн эрэнэбин», — диэтэ Айсен Николаев.

Уус Маайа улууһугар  саҥа балыыһа комплексын тутуута РФ Бэрэсидьиэнэ Владимир Путин көҕүлээбит «Доруобуйа харыстабылын» национальнай бырайыак бастакы звенотун модернизациялааһын бырагырааматын чэрчитинэн Саха сирин киин балыыһаларын бастакы биэс улахан эбийиэгин ахсааныгар киирдэ.

Саҥа балыыһа комплексын арыйыы уонна саҥа оборудованиенан хааччыйыы урут Уус Маайа киин балыыһатыгар туһыналлыбатах эмтээһин саҥа ньымаларын олоххо киллэрэргэ көмөлөһүөҕэ диэн тэрилтэ кылаабынай бырааһа Татьяна Рогожина бэлиэтээтэ. Сиһилии манна аах.

Уус Маайаҕа саҥа комплекс 45 куойкалаах, симиэнэҕэ 104 киһи сылдьар поликлиникалаах, диагностика отделениелаах, оҕолору уонна улахан дьону көрөр отделениелаах.

2024 сылга Саха сиригэр барыта 14 быраас амбулаторията уонна биэлсэр-акушер пууннара (модуль конструкциялаах) ааннарын арыйыахтара. Бу үлэ эмиэ «Доруобуйа харыстабыла» национальнай бырайыак доруобуйа харыстабылын бастакы сүһүөх звенотун модернизациялааһын чэрчитинэн ыытыллар.
+1
1
+1
0
+1
0
+1
0
+1
0
+1
0
+1
0
Бары сонуннар
Салгыы
16 июля
  • 22°C
  • Ощущается: 22°Влажность: 68% Скорость ветра: 3 м/с

Сообщить об опечатке

Текст, который будет отправлен нашим редакторам: