Хаартыска: Андрей Сорокин, СИА
Ыам ыйын 31 күнүгэр Уус Маайа улууһун Уус Маайа бөһүөлэгэр 45 куойка миэстэлээх поликлиникалаах, диагностика отделениелаах балыыһа комплексын үөрүүлээх аһыллыытын сиэрэ-туома ыытылынна.
Ил Дархан Айсен Николаев балыыһа комплексын саҥа эбийиэгэ аһыллыыта олохтоохторго доруобуйа харыстабылын эйгэтигэр мэдиссиинэ көмөтүн уонна хаачыстыбатын үрдэтиигэ көмөлөһөрүн бэлиэтээтэ. Эбийиэк уопсайа 6 тыһыынча квадратнай миэтэрэ иэннээх. Улууска аан бастакытын томография аппараата турда, УЗИ уонна аныгы лаборатория тэрилиннэ.
«Бүгүн биһиги улууска аныгы оборудованиенан толору хааччыллыбыт үчүгэй саҥа эбийиэги астыбыт. Сүрүнэ диэн билигин олохтоохтор эрэйи-муҥу көрсүбэккэ, мэдиссиинэ көмөтүн барытын миэстэтигэр ылыахтара. Балыыһаҕа дьон доруобуйатын тупсарыыга уонна хас биирдии ыарыһахха харыстабыллаах сыһыаны үрдэтиигэ үтүө холобурунан буолуоҕа диэн эрэнэбин», — диэтэ Айсен Николаев.
Уус Маайа улууһугар саҥа балыыһа комплексын тутуута РФ Бэрэсидьиэнэ Владимир Путин көҕүлээбит «Доруобуйа харыстабылын» национальнай бырайыак бастакы звенотун модернизациялааһын бырагырааматын чэрчитинэн Саха сирин киин балыыһаларын бастакы биэс улахан эбийиэгин ахсааныгар киирдэ.
Уус Маайаҕа саҥа комплекс 45 куойкалаах, симиэнэҕэ 104 киһи сылдьар поликлиникалаах, диагностика отделениелаах, оҕолору уонна улахан дьону көрөр отделениелаах.
Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна. СӨ Бырабыыталыстыбатын Бэрэссэдээтэлин солуйааччы Ольга Балабкина «Путь…
Бүгүн Бүтүн Арассыыйатааҕы байыаннай-тактическай «Путь воина» күрэхтэһии аһылынна. Күрэхтэһиигэ Арассыыйа түөрт эрэгийиэниттэн: Хабаровскай кыраайтан, Волгоградскай…
Бүгүн «Энергетик» оҕо лааҕырын баазатыгар Бүтүн Арассыыйатааҕы байыаннай-тактическай «Путь воина» күрэхтэһии үөрүүлээх быһыыга-майгыга аһылынна. Күрэхтэһии…
Дьокуускайдааҕы полиция 2-с №-дээх отделын дьуһуурунай чааһыгар көмпүүтэрдиир кулууп бэрэстэбиитэлэ наушник уоруллубутун туһунан иһитиннэрбит. Бу…
Сорох социальнай ситимҥэ "Биир ньыгыл Арассыыйа" бэлитиичэскэй баартыйа балаҕан ыйын 14 күнүнээҕи быыбарга бэйэтигэр ылыммыт…
Оҕо ыалдьыбатын уонна уруоктар кэннилэриттэн сылайбатын туһуттан сөпкө аһыы-сии сылдьыахтаах. Үөрэнээччи күннээҕи аһылыгын рационун туһунан…