Хаартыска: Экология министиэристибэтэ
Уус Маайа улууһугар атырдьах ыйын 12 күнүттэн аатырбыт эсэһит Вадим Николин салайааччылаах суһал эсэһиттэр биригээдэтэ үлэлиир.
Ону тэҥэ улуус булчуттара кыттыылаах эсэһиттэр биригээдэтэ тэрилиннэ. Бултааһын балаҕан ыйын 3 күнүгэр диэри ыытыллыаҕа. Бу туһунан Саха сирин Экология министиэристибэтин пресс-сулууспата иһитиннэрдэ.
Быйыл Уус Маайа улууһун олохтоох нэһилиэнньэлээх пууннарыгар тыатааҕылар киирбит түбэлтэлэрэ бэлиэтэнэр. Оройуоҥҥа хагдаҥ эһэ дьоҥҥо тахсыыта уонча түбэлтэтэ тахсыбыт. Саха сирин Экология министиэристибэтэ тыатааҕылар олохтоохторго олохторугар-дьаһахтарыгар уонна доруобуйаларыгар кутталы үөскэппиттэринэн 26 хагдаҥ эһэ ахсаанын аҕыйатарга быһаарыы таһаарда. Түмүгэр бу күннэргэ барыта түөрт эһэ бултанна. Бу боппуруос олус сытыытык турарынан уонна киэҥ хабааннаах уопсастыбаҕа дьүүллэһии таһаарбытынан Уус Майатааҕы судаарыстыбаннай экологическай надзор инспекциятынан эсэһиттэр биригээдэтэ тэрилиннэ. Биригээдэҕэ араас сэлиэнньэттэн уонна бөһүөлэктэртэн 17 булчут киирбит. Итини кытта атырдьах ыйын 12 күнүттэн Дьокуускайтан аатырбыт эсэһит Вадим Николин салайааччылаах биригээдэтэ үлэлиир.
Суһал биригээдэ эсэһит биригээдэлэрин кытта аҕыс эбийиэккэ чинчийиини ыыттылар. Мантан биэс сиргэ сохсо туруорулунна. Тэрээһиннэр балаҕан ыйын 3 күнүгэр диэри ыытыллыахтара.
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…
Дьокуускай куорат борокуратуурата киин куорат икки олохтооҕун туһунан судаарыстыбаннай буруйдааһыны өйөөтө. Кинилэр РФ ХК 126-с…
Бүгүн, ахсынньы 20 күнүгэр, Дьокуускай куоракка өрөспүүбүлүкэ бары муниципальнай оройуоннарыттан уонна куорат уокуруктарыттан 8-11 кылаас…