Уус Маайа улууһугар сүппүт киһини көрдөөһүн түмүгү аҕалбата

Уус Маайа улууһугар 37 саастаах сүппүт киһини көрдөөһүн түмүгү аҕалбата.

От ыйын 10 күнүгэр Уус Маайа улууһугар сүппүт эр киһини бүгүн, от ыйын 12 күнүгэр, бөртөлүөтүнэн көрдөөтүлэр. Ол гынан баран, үчүгэй түмүгү аҕалбата диэн Саха сиринээҕи Быыһыыр сулууспатыгар иһитиннэрдилэр.

Быыһааччылар «Полярные авиалинии» АХ Ми-8  бөртөлүөтүнэн бүгүн сарсыарда бээтинсэҕэ көрдүүр сиргэ тиийбиттэрэ. Кинилэргэ 3 ИДьМ үлэһитэ уонна сирдэччи кыттыстылар. Көрдүүр бөлөх сүппүт киһи тиийиэн сөптөөх сирдэрин бэрэбиэркэлээтэ. Түөрт үүтээҥҥэ сырыттылар уонна чугас эргин сирдэри кэрийдилэр.

Быыһааччылар  баһаарынайдары көрсөн, сүппүт киһи хаартыскатынан сурастылар. Ол эрээри, кинилэр эр киһини көрбөтөхтөрө билиннэ. Көрдүүр-быыһыыр үлэлэр  салгыы ыытыллыахтара, Саха сирин быыһыыр сулууспатыгар бэлиэтэннилэр. Түөрт быыһааччы уонна ИДьМ үс үлэһитэ баһаарынайдар лааҕырдарыгар тиийдилэр диэн Саха сиринээҕи Быыһыыр сулууспата суруйар.