Уус-Маайаҕа умуһахтан 240 киилэ хортуоппуй уорбут эр киһини туттулар

Уус-Маайа улууһун ИДьМ отделын холуобунай ирдэбил үлэһиттэрэ суһал иһитиннэриинэн, олохтоох киһиттэн 240 киилэ хортуоппуйу уорууга уорбаланар 44 саастаах эр киһини туттулар.

Барыллаан быһаарыллыбытынан, буруйу оҥорооччу эмсэҕэлээбит киһиэхэ чааһынай дьиэтин өрөмүөнүгэр көмөлөһөөрү наймыласпыт. Үлэ биэрээччи суох буолбутугар, уорбаланааччы соҕотоҕун хаалан, умуһахха хаһааныллан сыппыт 240 киилэ хортуоппуйу уорбут. Кини 100-чэ киилэ хортуоппуйу бэйэтин учаастагар олордубут, ордуга былдьанна.

РФ Холуобунай кодексатын 158-с ыстатыйатын 2-с чааһынан («Уоруу») холуобунай дьыала тэрилиннэ, диэн Саха сиринээҕи ИДьМ пресс-сулууспата иһитиннэрэр.