Хаартыска: sakha.gov.ru
Уус-Маайа сэлиэнньэтигэр «Дьиэ кэргэн» национальнай бырайыагынан бастакы киинэ саалата аһыллыыга бэлэмнэнэр. Норуот айымньытын култууратын киинигэр киинэ проектора, сылдьыыны хонтуруоллуур систиэмэ, мотуордаах экраан, акустическай тэрил кэллилэр. Бу туһунан «Экстра Синема» хампаанньа пресс-сулууспата иһитиннэрэр.
«Монтажтыыр үлэ уустуга суох. Икки күн иһинэн бүтэрэр былааннаахпыт. Бүгүн анал тутуу маһын туруордубут уонна көтөҕөр тэрилинэн экрааны үөһэ таһааран туруоруохпут. Саала үрдүгэ 7 миэтэрэ, онон манна экраан сүнньүнэн улахан – 6,5 х 4 миэтэрэ. Бу, баҕар, саамай үлэлээх түһүмэҕэ буолуо. Алтыа буолан монтажтыыбыт – кулууп үлэһиттэрэ көмөлөһөллөр», – диэн Андрей Руфов кэпсиир.
Салгыы хампаанньа исписэлиистэрэ тэрили туруоруохтара уонна бэрэбиэркэлиэхтэрэ, ону таһынан кулууп үлэһиттэригэр сөптөөх үөрэҕи ыытыахтара. Култуура дьиэтин дириэктэрэ Надежда Саввина кэпсээбитинэн, сэлиэнньэҕэ 2,5 тыһыынча киһи олорор, 20 секция уонна куруһуок үлэлиир, онно 7-тэн 17-гэр диэри саастаах оҕолор, 18-тан 35-гэр диэри саастаах ыччат уонна улахан дьон сылдьаллар.
«Сотору кэминэн бэйэбит саалабытыгар киинэ көрдөрөн саҕалыахпыт диэн эрэнэбит. Нэһилиэнньэҕэ маны күүтэр, көрдөһөр киһи элбэх. Оччоҕо өссө элбэх олохтооҕу тардар кыахтаныахпыт уонна нэһилиэнньэ аҕа дойду киинэтин көрөр баҕатын толоруохпут», – диир кини.
«Экстра Синема» систиэмэтэ көҥүлэ суох уһулууну/куопуйалааһыны суох оҥорор уонна оҥорон таһаарааччыларга ааптар быраабын тутуһууну мэктиэлиир. Маннык көмүскэл хампаанньаҕа аҕа дойду киинэтин саҥа тахсыыларын премьера быһыытынан көрдөрөргө кыах биэрэр.
«Экстра Синема» киинэ пуондатын кытта «Буратино» уонна «Чебурашка-2» уонна да атын Арассыыйа бөдөҥ хартыыналарын премьера быһыытынан көрдөрөрү былаанныыр. Чугастааҕы кэмҥэ «Экстра Синема» ситимигэр саха киинэтин саҥа оҥоһуктара көстөр кыахтаныахтара: Апполинария Дегтярева «Присутствие», Константин Тимофеев «Призраки Якутска», Степан Порядин «Как стать боссами» киинэлэрэ, оттон билигин прокатка көстө турар Дьулусхан Андросов «Айхал» киинэтэ номнуо 17 мөл. солк. тахса үбү харчыны хомуйда.
Тыа сирдэрин уонна кыра нэһилиэнньэлээх пууннары киинэнэн хааччыйыы бырагыраамата «Экстра Синема» хампаанньа уопутун учуоттаан оҥоһулунна уонна РФ Бэрэсидьиэнин сорудаҕынан, «Дьиэ кэргэн» национальнай бырайыак «Дьиэ кэргэн сыаннастара уонна култуура инфраструктурата» федеральнай бырайыагын чэрчитинэн, РФ гражданнарын аныгы кинематография ситиһиилэрин тиксэрэр сыалтан олоххо киллэриллэр.
Саха сирин ювелирнай хампаанньалара олунньу 4-8 күннэригэр Санкт-Петербург куоракка JUNWEX норуоттар икки ардыларынааҕы быыстапкаҕа кыттыахтара.…
Арассыыйаҕа чикунгунья лихорадка соччо куттала суох, тоҕо диэтэххэ, киһиттэн киһиэхэ буолбакка, бырдах нөҥүө бэриллэр, диэн…
«Дьокуускайдааҕы килиэп кэмбинээтэ» АУо 2026 сыл олунньу 5 күнүттэн саҕалаан бородууксуйатын кууһунан атыыга сыанатын үрдэтэрин…
Бүгүн Уус Алдан улууһун Танда сэлиэнньэтин уһуйааныгар баһаар буолбутун туһунан Саха сирэ.ру саайт иһитиннэрэн турар.…
Байыаннай дьайыы бэтэрээнэ Николай Сизых илиинэн салаллар массыынаны ыытар быраабы ылла. Ону тэҥэ кини S7…
Сахабыт сиригэр тохсунньу томороон тымныыта сатыылаан турдаҕына, Куорунай улууһун ытык кырдьаҕас олохтооҕо, тыыл, үлэ бэтэрээнэ…