Уус Маайаҕа быыһааччылар ыалдьыбыт табаһыты эвакуациялаатылар

Бэс ыйын 2 күнүгэр киэһэ 23.00 чааска Саха сиринээҕи быыһыыр сулууспатын быыһааччыларын бөлөҕө Иннокентий Андросов салайааччылаах Уус Маайаҕа Ааллаах Үүн үрэх хайысханан көрдүүр-быыһыыр эпэрээссийэҕэ көппүттэр.

Бу иннинэ киирбит иһитиннэриинэн, Ырчах күөл кытыытыгар баар табаһыттар ыарыһахха көмө оҥорорго көрдөспүттэр. Ол күн көппүт санитарнай риэйсэ үлэһиттэрэ табаһыттары булбатахтар. Халаан уутун содулларын туоратыы кэнниттэн быыһааччылар Уус-Маайа киин балыыһатын бырааһа, быыһааччылар уонна полиция үлэһиттэрэ буолан Ми-8 бөртөлүөтүнэн ыарыһаҕы эвакуациялыырга көппүттэр.

Табаһыттары түүн булбуттар. 30 миэтэрэ үрдүккэ дайар бөртөлүөккэ быыһааччы Николай Макаров ыарыһаҕы лебедка көмөтүнэн таһаарбыт. Эпэрээссийэ кыттыылаахтарын ситиһиилээх үлэлэринэн ыарыһаҕы балыыһаҕа киллэрбиттэр. Ыарыһах ойоҕостоппута биллибит. Киниэхэ сөптөөх оҥоһуллубут. Бу туһунан Саха сиринээҕи Быыһыыр сулууспатын пресс-сулууспата суруйар.