Уус Маайаҕа дьахтар сымыйа посадочнай толуоннарынан отчуоттаабыт

Уус Маайа оройуонун полицията үлэни биэрээччигэ сымыйа докумуону биэрбит дьахтарга холуобунай дьыаланы тэрийдэ. Ол курдук, Арассыыйа ИДьМ Уус Маайа оройуонугар отделениетын холуобунай ирдэбилин үлэһиттэрэ уһуйаан 38 саастаах үлэһитэ түөкүннээһиҥҥэ сыһыаннааҕын билбиттэр.

Дьахтар буҕалтыарыйаҕа абаансабай отчуотугар сымыйа посадочнай толуоннары, электроннай билиэттэри уонна чектэри биэрбит. Сотору кэминэн кини бүддьүөт тэрилтэтиттэн 51 тыһыынча солкуобай кээмэйдээх толору толуйууну ылбыт. Ол эрээри бэрэбиэркэҕэ биллибитинэн, дьахтар бэйэтэ уонна кыра саастаах оҕото Хабаровскайга көппөтөхтөрө, оттон тиксэрбит докумуоннара оруна суохтара биллибит.

Арассыыйа Федерациятын Холуобунай кодексын “Түөкүннээһин” диэн 159 ыст. 1 ч. холуобунай дьыала тэриллибит. Манна олоҕуран буруйдаах дьахтар 2 сылга көҥүлэ быһыллыан сөп.

ИДьМ Саха Өрөспүүбүлүкэтин пресс-сулууспата