Хаартыска: Экология министиэристибэтин пресс-сулууспата
Бу сыл тохсунньу 24 күнүгэр Уус Маайатааҕы судаарыстыбаннай экологическай кэтэбил иниспиэксийэтигэр олохтоохтор Эдьээн сэлиэнньэтигэр торҕоннообут эһэ суолун булбуттарын туһунан тыллаабыттар.
Тыа сирин олохтоохторугар куттала суох буолууну хааччыйыыга СӨ Экологияҕа, айылҕа харыстабылыгар уонна ойуур хаһаайыстыбатыгар министиэристибэтэ ити күн эһэни бултуурга суһаллык быһаарыы ылыммыт. Үс уопуттаах эсэһиттээх суһал биригээдэ тэриллибит.
Тохсунньу 25 күнүгэр сарсыарда булчуттар Эдьээн сэлиэнньэтиттэн 13 км чугас Бухсахай диэн сиргэ эһэни бултаан өлөрбүттэр. Барыллаан быһаарыынан, торҕоннообут эһэ былырыын күһүн арҕахха киирбэтэх уонна бу күҥҥэ диэри тыаҕа сылдьыбыт. Дьикти түбэлтэни эспиэрдэр үөрэтэллэр.
«Тыатааҕыны олус ырыганнаабыт этэ, ыһаайына баара-суоҕа 50 киилэ, онон биир киһи чэпчэкитик көтөҕөлүүрэ», — диэн оройуоннааҕы иниспиэксийэ салайааччыта Вадим Егоров эттэ.
Кини этэринэн, былырыын Уус Маайа оройуонугар 16 эһэ бултаммыт, олортон 9-һа кыһын устата. Бултаммыт тыатааҕы өлүгүттэн анаалыс ылыллан, СӨ РАН Криолитозона биология проблемаларын үнүстүүтүгэр чинчийиигэ ыытыллыбыт. Эһэ атыыр буолара биллибит, быһа барыллаан сааһа үстээх. Ылыллыбыт матырыйааллар кэнники кэмҥэ Уус Маайа оройуонугар торҕоннообут эһэлэр үгэннээбиттэрин төрүөтүн быһаарарга чинчийиллиэҕэ. Иниспиэксийэ үлэһиттэрэ булчуттарга Михаил Трофимовка, Степан Старостиҥҥа уонна Илья Винокуровка махталларын тиэрдэллэр, диэн министиэристибэ пресс-сулууспата иһитиннэрэр.
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…
Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка Миндиашвили …