Хаартыска: SakhaGov.ru
Быйыл өрөспүүбүлүкэҕэ мэдиссиинэ саҥа эбийиэктэрэ эбиллиэхтэрэ. Ол курдук, Уус Маайа улууһун Уус Маайа сэлиэнньэтигэр балыыһа комплекса уонна Сунтаар улууһун Элгээйитигэр амбулатория тутуллуохтара.
Саҥа эбийиэктэр дойду бэрэсидьиэнэ Владимир Путин көҕүлээбит «Доруобуйа харыстабыла» национальнай бырайыагын доруобуйа харыстабылын бастакы сүһүөх звенотун модернизациялааһын чэрчитинэн олоххо киллэриллэллэр.
Уус Маайаҕа саҥа комплекс 45 куойкалаах, симиэнэҕэ 104 киһи сылдьар поликлиникалаах, диагностика отделениелаах, оҕолору уонна улахан дьону көрөр отделениелаах буолуоҕа.
Онтон Элгээйитээҕи улахан амбулаторияҕа, ол эбэтэр 800 кв.миэтэрэ иэннээх таас дьиэҕэ симиэнэҕэ 36 киһи сылдьар кыахтаах, 6 куойкалаах күнүскү стационардаах.
Өрөспүүбүлүкэҕэ ону таһынан өссө 8 саҥа эбийиэк былааннанар:
Амма с. симиэнэҕэ 200 киһи сылдьар поликлиника,
Аллараа Бэстээх бөһүөлэгэр учаастактааҕы балыыһа,
Бүлүү уонна Ньурба куораттарга, Андреевскай с. уонна Нам с. эмтэнэр куорпустар,
Сангаар уонна Майа с. балыыһа комплекстара тутулла тураллар.
2024 сылга Саха сиригэр барыта 14 быраас амбулаторията уонна биэлсэр-акушер пууннара (модуль конструкциялаах) ааннарын арыйыахтара. Бу үлэ эмиэ «Доруобуйа харыстабыла» национальнай бырайыак доруобуйа харыстабылын бастакы сүһүөх звенотун модернизациялааһын чэрчитинэн ыытыллар.
Бүлүү улууһун Бастакы Тоҕус нэһилиэгэр, Тыымпы сэлиэнньэтигэр "Манчаары оонньууларын" кыттыылаахтарын уруйдуу-айхаллыы көрсүбүттэр. Бу туһунан социальнай…
Саха сирин хотугулуу-илин уонна илин өттүгэр ардахтар хото түһэннэр, уу таһыма үрдээбитэ бэлиэтэнэр, ол иһигэр…
Кэнники хонукка Кэбээйи уонна Өлүөхүмэ улуустарын сиригэр-уотугар уопсайа 3,8 гектардаах сири хаппыт икки ойуур баһаарын…
Бырагыраама уопсастыбаннай сэбиэтин чилиэнэ, "Сахатранснефтегаз" АУо генеральнай дириэктэрэ Алексей Колодезников "Саха сирэ -- дьоруойдар дойдулара"…
АЛРОСА Экологияҕа киинэ “Живые алмазы Якутии” паарканы тупсаран оҥорон эрэгийиэннээҕи бырайыактар граннарын куонкуруһа саҕаламмытын иһитиннэрэр.…
Саха сиригэр пилота суох, тепловизордаах 35 аппараат көмөтүнэн ойууру кэтээн көрүүнү күүһүрдэллэр. Саха сиригэр ойууру кэтээн көрөргө…