Уус Ньаараҕа аҕыс сиргэ сокуоннайа суох сыбаалка тэриллибит

Уус Ньаараҕа Өймөкөөн улууһун суута бөһүөлэк дьаһалтатыгар аҕыс  сиргэ сокуоннайа суох кытаанах бөҕү-саҕы тоҕууну дьаһайарга сорудахтаата.

Ол туһунан СӨ Борокуратууратын пресс- сулууспатыгар иһитиннэрдилэр. Кэтиир биэдэмистибэ иһитиннэриитинэн, бөһүөлэк иһигэр көҥүлэ суох сиргэ массыына кузовтара, емкостар, цистерналар, атын тимирдэр быраҕыллыбыттар.

«Суут быһаарыыта сокуоннай күүһүгэр киирэ илик», — диэн борокуратуураҕа бэлиэтээтилэр.

Санатан эттэххэ, «Ыраас Арктика» федеральнай бырайыагы олоххо киллэрии түмүгүнэн Саха сиригэр 2024 сылга 700 туонна тимир уонна да атын кытаанах тобохтор хомуллубуттар.