Уус-Ньара баһылыгын э.т. холуобунай дьыалатын силиэстийэтэ түмүктэннэ

РФ Силиэстийэлиир кэмитиэтин Саха сиринээҕи салаата Борокуратуура уорганнарын матырыйаалларынан холуобунай дьыаланы силиэстийэлээһинэ түмүктэннэ.

«Уус-Ньара бөһүөлэгэ» муниципальнай тэриллии баһылыгын э.т. РФ Холуобунай Кодексатын 1 ч. 286 ыст. боломуочуйатын таһынан судаарыстыба уонна уопсастыба интэриэстэрин көмүскүүр сокуону кэһиини таһаарбыта чопчуланна.

Силиэстийэ дааннайдарынан, 2022 сыл ыам ыйыгар Уус-Ньара бөһүөлэгин баһылыга нэһилиэк тула минерализованнай балаһаны тэрийэр туһунан муниципальнай хантараагы түһэрсибит. Ол эрээри, чинчийии түмүгүнэн, эбийиэк үлэтэ түмүктэнэ илигэ уонна үлэ толору кээмэйинэн ыытыллыбытаҕа быһаарылынна. Ону сэргэ ити сыл атырдьах ыйыгар буруйданааччы бэйэтин эбээһинэстэриттэн ууратыллар кэмигэр, сокуоннайа суох уоппускаҕа кэмпэнсээссийэ ааҕыммыта быһаарылынна. Инньэ гынан, буруйданааччы дьайыытынан муниципалитекка ордук улахан кээмэйдээх хоромньуну оҥорбута билиннэ. Холуобунай дьыалаҕа силиэстийэлиир дьайыылар ыытылыннылар, борокуруорунан бигэргэтиллибит холуобунай дьыала суукка ыытылынна.