Хаартыска: Юлия Фролова түһэриитэ.
Өймөкөөн улууһун киинигэр Уус-Ньараҕа Олорор эйгэни тупсарыы бырагырааматын чэрчитинэн, хаарбах дьиэлэри көтүрүүгэ тэтимнээх үлэ барар.
Ыытыллар үлэ туһунан Уус-Ньара бөһүөлэгин баһылыга Виктория Понамарчук маннык иһитиннэрдэ:
— Саахалланар уонна хаарбах туруктаах дьиэлэри көтүрүү, улуус киинин уулуссаларын бөдөҥ бөҕүн, тимири, эргэ тиэхиньикэни ыраастааһын сааскы-сайыҥҥы ичигэс күннэри баттаһан, күн аайы ыытыллар.
Бу күннэргэ Мацкепладзе уулусса 4 нүөмэригэр турар эргэ таас дьиэни көтүрэр былааннаахпыт. Бу Уус-Ньара устуоруйатыгар киирбит эргэ дьиэ 20-с үйэ 50-60-с сылларыгар тутуллубут дьиэлэртэн биирдэстэрэ. Сэбиэскэй кэмҥэ Уус-Ньара хабыллар киинигэр аатырбыт «Солнечнай городок» түөлбэ куораттыы көстүүлээх түөрт миэдиэмэннээх киэргэл таас дьиэлэриттэн биирдэстэрэ этэ. Манна сүрүннээн геологтар олороллоро. Дьиэ көтүрүллүбүт сирин ыраастаан баран, тэҥнээн биэриэхпит.
Ленин уулуссатыгар турбут, уонча сыллааҕыта эргэрэн сууллубут биэс мэндиэмэннээх 25 №-дээх дьиэ – эмиэ Уус-Ньара бастакы таас дьиэлэриттэн бастакылара этэ. Бу эмиэ улуус киинин устуоруйатын саҕалаабыт таас дьиэ турбут сирин тэҥнээн, аспааллаан баран, манна сынньалаҥ искибиэрин тутуохпут. Бу эппиэттээх үлэни Уус-Ньара күнүн бэлиэтиээн – атырдьах ыйын 6 күнүгэр үөрүүлээх быһыыга-майгыга арыйар былааннаахпыт.
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…
Маннык тэттик сүбэлэри тутустаххына, настарыанньалаах, үөрэ-көтө сылдьыаҥ, кыраттан иҥнэн-бохтон туруоҥ суоҕа. Сэниэлээх, күүстээх-уохтаах буолуоҥ. -бэйэҕин…