Хаартыска: CӨ успуорт министиэристибэтин саайтыттан
Өймөкөөн улууһугар кыһыҥҥы марафону тэрийээччилэр көһө сылдьар мунньахтара буолла. Манна 2025 сылга тохсунньу 10-12 күннэригэр былааннаммыт кыһыҥҥы марафоҥҥа бэлэмнэнии туһунан дьүүллэстилэр.
Сүбэ мунньахха СӨ успуордун уонна физическэй култууратын миниистирэ Леонид Спиридонов уонна Өймөкөөн улууһун баһылыга Александр Оконешников кыттыыны ыллылар диэн «Северная заря» хаһыакка суруллар.
Маны сэргэ, сүүрүүнү тэрийээччилэр — «Биир ньыгыл Арассыыйа» баартыйа Саха сиринээҕи салаатыттан, Саха сиригэр «Историческая память» федеральнай партийнай бырайыак координатора Саргылана Неустроева, СӨ «Тымныы полюһа» кыһыҥҥы экстремальнай марафону сайыннарыыга уопсастыбаннай организацияны салайар Дмитрий Неустроев, тэрилтэлэр, түмсүүлэр салайааччылара, дьокутааттар, уопсастыбаннас кытыннылар.
Саргылана Неустроева тэрээһин хайдах саҕаламмытын, марафоҥҥа кимнээх кыттыбыттарын, бу тэрээһини кимнээх өйөөбүттэрин истиҥник аҕынна. Кини марафон иитэр-үөрэтэр суолтатын бэлиэтээтэ. 2025 сыллааҕы марафон Улуу Кыайыы 80 сылыгар ананар. Бу тэрээһиҥҥэ киирбит үп-харчы сорох чааһа байыастарга уонна кинилэр дьиэ кэргэттэригэр ыытыллыаҕын туһунан этилиннэ. Салгыы успуорт миниистирэ Леонид Спиридонов, култуура уонна туризм управлениетын начаалынньыга Аксиния Сивцева, уо.д.а. тыл эттилэр.
Тохсунньу томороон тымныытыгар тэриллэр марафон үрдүк таһымнаахтык ыытылларыгар, онно бары кыһамньыны уурарга этилиннэ.
Любовь Кривошапкина
Хаартыска СӨ успуорт министиэристибэтин саайтыттан
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…
Өлүөхүмэ улууһун Уолбут нэһилиэгэр “Эйгэ” сынньалаҥ киин дьиэтигэр араас тэрээһин барыта буолар. Быйыл өссө биир…
Сэтинньи 22 күнүгэр Индигир өрүс төрдүгэр былыр-былыргыттан олохсуйан олорор Русскай Устье, Походскай сэлиэнньэлэр олохтоохторун устуоруйаларыгар,…