Уус Ньараҕа компенсаторга массыына кэтиллэн, хочуолунай үлэтэ харгыстанна

Өймөкөөн улууһун Уус Ньара бөһүөлэгэр бүгүн, муус устар 16 күнүгэр, түүн 00:40 чааска «Теплоэнергосервис» акционернай хампаанньа “Индигирскай” диэн хочуолунайга аварийнай  арахсыы таҕыста.

Ол курдук, ититии ситимнэрин  компенсаторыгар массыына кэтиллэн,  саахал таҕыста диэн ОДьКХ министиэристибэтэ иһитиннэрдэ.

Билигин «Теплоэнергосервис» үлэһиттэрэ саахал содулун туоратар үлэлэри ыыта сылдьаллар.