«Бу РФ бэрэсидьиэнин Уһук Илин федеральнай уокуругар боломуочуйалаах бэрэстэбиитэлэ Юрий Трутнев өйөбүлүнэн ыытыллар олоххо киллэрэр инники күөҥҥэ тахсыбыт тэрээһиннэрбититтэн биирдэстэрэ. Тупсаҕай усулуобуйаны тэрийии нэһилиэнньэ социальнай бигэ туруктаах буолуутугар улаханнык дьайар. Аныгы үйэ ирдэбилигэр эппиэттиир тиэргэн дьон олоҕун хаачыстыбатын биллэ тупсарар. Үлэ бары тэрээһиннэрэ болдьоҕор уонна хаачыстыбалаахтык оҥоһуллуохтаахтар«, — диэн СӨ Айсен Николаев бэлиэтээн турар.
Соторутааҕыта тиэргэннэри саҥардан оҥоруу бырагырааматыгар киллэриллибит икки уопсастыбаннай сиртэн-уоттан, биирэ Уус Ньара бөһүөлэгэр оҥоһулунна. Бу туһунан «Северная Заря» оройуоннааҕы хаһыат иһитиннэрэр.
Уус Ньараҕа Молодежнай уулусса 4 №-дээх дьиэтин уонна Мацкепладзе уул. 5 , 7 №-дээх дьиэтин олохтоохторо көхтөөхтүк кыттаннар, элбэх куолаһы ылан, күөн күрэһи ааспыттар. Бырайыактыыр-сметнай документация Дьокуускайга «Эйгэ» Архитектура бюрота» ХЭУо оҥоһуллубут.
Бэдэрээччит салгыы Мацкепладзе уулуссатыгар элбэх кыбартыыралаах дьиэ сирин-уотун тупсаран оҥоруу үлэтин түмүктүө.
Уус Ньара олохтоохторо былаһаакка аныгы матырыйаалларынан олус үчүгэйдик оҥоһуллубутун бэлиэтииллэр. «Саҥа былаһаакка чаҕылхай өҥнөөх, кырачааннар болҕомтолорун тардар. Оҕолор үөрэ-көтө, астына оонньуу сылдьалларын көрөр олус үчүгэй. Аныгы эбийиэктэри тутуу, тупсарыы туох да мөккүөрэ суох ханнык баҕарар нэһилиэнньэлээх пууҥҥа үчүгэй дьыаланан буолар. Буолан баран, хоту дойдуга. Дьоҥҥо табыгастаах буоларын туһугар кыһамньыларын ууралларыттан үөрэбит«, — диэн бөһүөлэк олохтоохторо Ольга Кальмина уонна Анатолий Бахарев үөрүүлэрин үллэстэллэр.
2022 сыл сэтинньи ыйыгар диэри өрөспүүбүлүкэҕэ уопсайа 124 тиэргэн тупсарыллан үлэҕэ киириэхтээх. Мантан 75 — Дьокуускайга, 49 — улуустарга, ол иһигэр арктическай оройуоннарга.
«Уһук Илиҥҥэ 1000 тиэргэн» бырагырааманан Кэбээйи, Сунтаар, Нам, Мэҥэ Хаҥалас, Уус Маайа, Таатта, Уус Алдан, Хаҥалас, Амма, Ньурба, Томпо, Өймөкөөн, Үөһээ Бүлүү, Нерюнгри, Өлүөхүмэ, Мииринэй, Ленскэй, Горнай, Чурапчы, Алдан, Бүлүү, Жатай уонна Дьокуускай тупсаҕай оҥоһуулаах тиэргэннэнэллэр.
Хаартыскалар: «Северная заря» Өймөкөөн улууһун хаһыатыттан, Улуус.медиаттан
Саха сиригэр РФ Сэбилэниилээх Күүстэригэр хантараагынан байыаннай сулууспаҕа гражданнары сүүмэрдиир үлэ тохтоло суох барар. Бүгүҥҥү…
«Жатай» куорат уокуругун 1 №-дээх орто уопсай үөрэхтээһин оскуолатыгар Аҕа дойду Дьоруойдарын күнүн көрсө, Арассыыйа…
Арассыыйа сорох туһанааччылара Windows 11 операционнай система саҥардыытын туруоруммуттарын кэннэ, «күөх экран» (Blue Screen of…
Сыл аайы ыытыллар «Профориентация-2026» эрэгийиэннээҕи икки ардыларынааҕы дьаарбаҥка уонна үөрэх, үлэ миэстэтин уонна идэ кыахтарын…
Киин куоракка Аҕа дойду Дьоруойдарын күнүн көрсө, байыаннай дьайыы бэтэрээннэригэр уонна кыттыылаахтарыгар аналлаах III Өрөспүүбүлүкэтээҕи…
Чурапчы улууһун борокуратуурата коррупцияны утары охсуһар сокуону хайдах тутуһулларын бэрэбиэркэлээтэ. Түмүгэр олохтоох дьаһалта тэрийбит «Маарыкчаан»…