Ааптар түһэриитэ
Өймөкөөн улууһун Уус-Ньара бөһүөлэгин «Петушок» уһуйаана 1994 сыллаахха тутуллан үлэҕэ киирбитэ.
Улуус киинин үс оҕо саадыттан саамай бастыҥнара, араас ураты бырайыагы олоххо киллэрэр оҕо тэрилтэтэ. Бүгүн уһуйаан салалтата СӨ Бырабыыталыстыбатын бэрэссэдээтэлин солбуйааччы Сергей Местниковы кытта көрсөн, тэрилтэ уруккута саамай киэн туттуута бассейына үлэлээбэтин иһитиннэрдэ. Оҕо саада бастаан үлэҕэ киириитигэр бассейн тигинэччи үлэлии турбута. Онтон сыыйа эргэрэн, дьэбинийэн барбыт. Онон тэрилтэ салалтатын сүрүн туруорсар боппуруоһа — бассейн хапытаалынай өрөмүөнүгэр үбү көрүү.
Улуус баһылыга Иннокентий Сивцев Уус-Ньараҕа «Чысхаан» спортивнай оскуола иһинэн бассейн үлэлиирин бэлиэтээн туран, бу тэрилтэ үгүс биллэр ууһут-спортсменнары иитэн таһаарбытын эттэ. «Биллэн турар, аатырбыт спортсменнар бу маннык уһуйаан бассейыннарыгар уһуйуллан тахсаллар», — диэн туран, «Петушок» уһуйаан иитээччилэрин туруорсуулара олохтооҕун бэлиэтээтэ.
Бу боппуруоһу СӨ Бырабыыталыстыбатын бэрэссэдээтэлин солбуйааччы Сергей Местников: «Туруорсуугутун болҕомтоҕо ыллым. Сылдьыбыт сирим тухары оҕо саадыгар бассейн баарын саҥа көрдүм. Кырдьык, бу бассейн олоххо киириитэ кэм ирдэбилинэн буолбутун илэ көрөн, боппуруоһу сөптөөхтүк быһаарыахпыт», — диэн санаатын тиэртэ.
Онон Уус-Ньара кырачааннара сотору кэминэн бассейннарыгар үөрэ-көтө чомполоно сөтүөлүөхтэрэ
ИДьМ Мэҥэ Хаҥалас оройуонунааҕы салаатын дьуһуурунай чааһыгар киэһэ балыыһаттан быһаҕынан анньыллыбыт киһи киирбитин туһунан иһитиннэрии…
Арассыыйа Бырабыыталыстыбата соторутааҕыта олоххо саамай наадалаах уонна суолталаах эмп препараттарын (ЖНВЛП) испииһэгин кэҥэттэ. Искэн, генетическэй,…
Ахсынньы 24 күнүгэр ЯК-488 Санкт-Петербург – Дьокуускай рейсин толоруу кэмигэр, салгын аалын хамандыыра, тиэхиньикэ алдьаныытынан,…
Сунтаарга буокса сиэксийэтэ аан бастакытын Сиэйэҕэ тэриллибитэ. Ол курдук, 1959 сыллаахха энтузиаст учуутал, тренер Гаврил…
Өрөспүүбүлүкэҕэ суукка иһигэр 8 буруйу оҥоруу түгэнэ бэлиэтэннэ, олорунан процессуальнай бэрэбиэркэлэр уонна хонтуруоллааһын ыытыллар. Бу…
Ил Дархан Айсен Николаев Арассыыйа Бэрэсидьиэнин көмөлөһөөччүтэ Николай Патрушев салайан ыыппыт (Морской коллегия) мунньаҕар кыттыыны…