Хаартыска -- Алексей Федотов тиксэриитэ.
Быйыл балаҕан ыйын 3-6 күннэригэр диэри Владивосток куоракка Уһук Илиҥҥи экэнэмиичэскэй пуорум буолан ааспыта.
Онно “РусГидро” уонна СӨ Бырабыыталыстыбата бииргэ үлэлээһин Сөбүлэҥэр илии баттаспыттара. Докумуон биир сүрүн пуунунан Өймөкөөн улууһун Уус Ньара бөһүөлэгин сылааһынан хааччыйыы систиэмэтин саҥардыы киирбитэ. «Сөбүлэҥ чэрчитинэн, эргэрэн эрэр «Квартальнай» хочуолунай саҥардыллыаҕа, Өймөкөөн оройуонун киинигэр Уус Ньараҕа саҥа ититэр ситимнэр, пууннар тутуллуохтара», — диэн бэлиэтээбитэ Ил Дархан Айсен Николаев. «РусГидро» бөлөх өттүттэн бырагыраама операторынан улууһу сылааһынан хааччыйар «Теплоэнергосервис» АУо буолуохтаах
Бу күннэргэ «Теплоэнгосервис» АУо генеральнай дириэктэрэ Максим Трофимов Өймөкөөн улууһугар оробуочай сырыытыгар улууска үлэлии турар ититэр тиһиктэри, хочуолунайдары көрдө-иһиттэ.
Улуустааҕы муниципальнай тэриллии баһылыгын солбуйааччы Алексей Федотов оройуону сылааһынан хааччыйар тэрилтэ салайааччытын сырыытын туһунан бу курдук билиһиннэрдэ:
— Биллэн турар, сүрүн кэпсэтии тиэмэтинэн Уус Ньара хочуолунайдарын саҥардыы боппуростарын ырытыы буолла. Ол курдук, хочуоллары, носуос ыстаансыйаларын уларытыы соруга турар. Улуус киинин сылааһынан хааччыйыы тиһигин саҥардыы сытыы боппуруоһун дьүүллэһиини салгыы улуус баһылыга Александр Оконешников СӨ ОДьКХ ГУП салалтатын кытта ыытыаҕа.
Максим Трофимов Өймөкөөн улууһугар Биэрэк-Үрдүгэр саҥа модульнай хочуолунай аһыллыытыгар сылдьан баран, нэһилиэктэринэн сылдьан хочуолунайдары көрдө-иһиттэ, улуус киинигэр ититэр тиһиктэр үлэлэрин кытта билистэ, Уус Ньара бөһүөлэги салалтатын кытта көрсөн, ититэр тиһиктэри саҥардыы боппуруостарын ырытта.
Бүгүн, атырдьах ыйын 30 күнүгэр, офтальмология өрөспүүбүлүкэтээҕи балыыһатын салаата – офтальмология Соҕуруу Саха сиринээҕи киинэ…
Өрөспүүбүлүкэ оскуолаларыгар үөрэх дьыла саҕаланара бу кэллэ. Үөрэхтэн, оскуолаттан сайын устата тэйэ быһыытыйбыт оҕолор саҥа…
Дьокуускайга бүгүн, атырдьах ыйын 30 күнүгэр, аан бастакытын 100 км сүүрүүгэ Арассыыйа чөмпүйэнээтэ ыытылынна. Дьахталларга…
Саха сиригэр 2025 сыл балаҕан ыйын 1 күнүттэн 629 уопсай үөрэхтээһин тэрилтэтэ үлэтин саҕалыаҕа. 152…
Арассыыйаҕа, ол иһигэр Саха Өрөспүүбүлүкэтигэр, социальнай өттүнэн харысхала суох нэһилиэнньэни өйөөһүн — судаарыстыба сүрүн соруктарыттан биирдэстэрэ.…
Дьокуускай куоракка полиция 1 отделын дьуһуурунай чааһыгар чааһынай дьиэтиттэн малын-салын уордарбыт олохтоох киһиттэн сайабылыанньа киирбит.…