Хаартыскаҕа Анна Яковлева түһэриитэ.
Бырабыыталыстыба отчуотугар Уус Тааттаҕа улахан сааланы толору, 70-тан тахса киһи кэлбит. Кинилэр атах тэпсэн олорон кэпсэтэри суохтаабыттарын, кэтэспиттэрин эттилэр.
Уус Тааттаҕа сүрүн туруорсар боппуруостара — дьиэҕэ барытыгар ититии ситимин киллэрии уонна уһуйаан дьиэтин туттарыы буолар. Таас оскуола баар эрээри, олус тымныы, онон хапытаалынай өрөмүөн наада диэн дириэктэр Анна Кочнева этиннэ.
Бу улуус киинин кэнниттэн, иккис улахан сэлиэнньэ, 1138 киһи олорор. Оттуур сирдэрэ аҕыйах эрээри, элбэх сүөһүнү, сылгыны иитэллэр.
Ититии ситимигэр толору холбонуу тоҕо кыаллыбатый? Дьиҥинэн, улахан кыамталаах саҥа хочуолунай тутуллубут. Уус Тааттаҕа, Кыйыга, Дэбдиргэҕэ маннык хочуолунайдар кыамталарын 25-30% эрэ туһанан олороллор. Бары дьиэлэри холбуурга анал бырагыраамаҕа киириэххэ наада. Бу мантан тардыллан хаалар эбит. Сайаапканы Москваҕа »Фонд реформирования ЖКХ» биэрбиттэр, эппиэти күүтэллэр. Сергей Местников эппитинэн, »сайаапканы төттөрү быраҕыы суоҕун кэриэтэ, ылыналлар, оттон биһиги хонтуруоллуохпут» диэн эрэннэрдэ.
Оттон уһуйаан туһунан эттэххэ, бырайыага оҥоһуллубут, судаарыстыбаннай эспэртиисэни ааспыт. Онон инвестбүддьүөккэ да, бырагыраамаҕа да киирсэргэ улахан олук оҥоһуллубут диэн бөлөҕү салайан кэлбит, бырабыыталыстыба бэрэссэдээтэлин солбуйааччы Сергей Местников бэлиэтээтэ.
Маны тэҥэ, олохтоохтор аптека наада, быраас баар буолуохтаах диэн туруорустулар. Маннык улахан сэлиэнньэҕэ ити суоҕа, чахчы өйдөммөт. Бу боппуруос боротокуолга киирдэ.
Уус Таатта дохсун сүүрүктээх Алдан өрүс кытылыгар турар. Өссө намыын-намчы Таатта үрэх кэлэн түһэр. Биэрэк сиҥниитэ баар, Никифор Бурнашов этэринэн, кини дьиэтигэр уонча миэтэрэ чугаһаабыт. Дьиэм ууга барара чугаһаата диэн ыксыыр. Былырыыҥҥыттан федеральнай субвенция көрүллэн, үлэ барар. Икки сылга 9 мөлүйүөн 718 тыһыынча солкуобай көрүллүбүт. Барыта 400 миэтэрэ кэриҥэ бөҕөргүөхтээх.
Уус таатталар бу отчуокка олус көхтөөхтөрүн көрдөрдүлэр, мантан да элбэх боппуруос киирдэ. Кэнники кэмҥэ баһылык Егор Постников салалтатынан үлэ-хамнас ыытылларын, судаарыстыбаннай бырагыраамаларга кыттыы баарын бэлиэтээтилэр. »Манчаары оонньууларын» көрсө өссө элбэх үлэ ыытыллаары турар. 2024 сылга Ытык Күөлгэ диэри аспаал суол тыргыллыа. Онон бырабыыталыстыба үлэтин биһирииллэрин биллэрдилэр.
Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…
Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…
Саҥа дьылга эҕэрдэлэһэн буостанан аккырыыкка ыытыһар үтүө үгэс баара. Ол аныгы үйэҕэ уларыйан турар. Ол…
Саҥа дьыл үүнэр түүнүгэр оҕолуун-уруулуун бары туох эмит дьиктини, уратыны, аптааҕы күүтэбит. Чаһы кураана охсорун…
Бэйэлэрин норуоттарыгар үгүс дьоһуннаах айымньылары хаалларбыт суруйааччылар ааҕааччы өйүттэн-санаатыттан сүппэттэр, кинилэр үлэлэрэ көлүөнэттэн көлүөнэҕэ тириэрдиллэн,…
СӨ Доруобуйа харыстабылыгар министиэристибэтэ мэдиссиинэ тэрилтэлэрин бырааһынньыктааҕы уонна өрөбүл күннэргэ -- ахсынньы 31 күнүттэн тохсунньу…